Sos binos de Sardigna

Sos binos de Sardigna

Cal’ est su chi pius s’adeghet?

in festas o in pastos fetianos,
o cussu chena peruna neghe
chi acumpanzat siat cotos che sanos?
Ateros ch’ assimizan a sa feghe
finas limbicu lis cancarat manos,
bo los elenco totu sut’ innoghe
chi sian bonos est s’ unica boghe.

Dae sos granitos de tota Caddura,
dae Logudoro finas a Terranoa
su vermentinu inie madurat
siat pasadu o allegru a moda noa.
Li naran Giogantinu a s’agriura
chi l’essit in su tastar' e coa,
totue in sa Sardigna at postu vida
cussu biancu chi dat caddarida.

Su dulche Muscadellu de s’Anglona
de Sennori ’ e Sorso sunu bantu,
in s’ Alighera e in tota sa zona
su binu b’est inie totu cantu.
Torbato siccu faghet bucca ‘ona
totu sun bonos tot’ est un’ incantu,
sas binzas paren fatas a piumbu
sos oldines de ide..sunt a rumbu.

In Pianalza creschet fiagosa
cussa bucante ua Malvasia,
issa si narat sa menzus isposa
impare chin dulches cale si siat.
Pustis Vernaccia sorre imbidiosa
li narat: “cussa virtud’ est sa mia”,
sun paris, ambas duas bellas rosas
de no paragonare ateras cosas.

Rosato, Ruju, Nieddu e Rubbicante
pienan sos addijos de Nugoro,
d’ Uliana li naran su Nepente
pro totu est Cannonau su tesoro.
Siat in Barbagia che in s’ oriente
D’ Ozastra sa miniera ‘e s’oro,
connotu in su mundu de diai
a faca b’ est su Mandrolisai.

A mesania de su Campidanu
de Mogoro si bidet sa chentina,
inie faghen s’ inu Semidanu
ca paret cussa sa bona faina.
In Sulcis totu est Carignanu
Sant’ Antiogu e Santadi rejna,
ballan impare sempre pius pianu
su primu antigu, s’ateru a sa manu.

Bi restan de Casteddu sos presentes
Girò e Nasco sos pius prejados,
ateros sun sos chi bufan sa zente
cussos chi sun in donzi pranzu ‘etados.
Sa Monica de ruju isplendente
Nuragus paren paza e indeorados,
su dubbiu chi mi restat alu innoghe:
“Cal’ est su menzus ch' ilgiarit sa 'oghe?”

Asciutura (de Anghelu Carboni) e risposta mia a su lamentu sou.

Asciutura (de Anghelu Carboni) e risposta mia a su lamentu sou.

Ite abba, ite sulenu, poto dare
si so, che pianta 'e chea, assadu?
Abbogos de istiu
trazan isperas e sentidu
a sa basciura,
ammuntonendelos in pedrarzos acuvados.
Unturzos m'ispeddutan sa carena,
su fremmentarzu no pesat pius
in su coro meu istracu.
Fina sos geranios fioridos de su balcone,
allizados sun a sa calura;
sa garrera, boida, paret aturdida,
no innijos de criaduras,
ne lereddos de comares.
Imbaddinadu, so apitu
chi s'acioret sa luna a mesudie
e chi ijones lebias de gosu
assupran, truvadas a puntorzu,
dae 'oes iscarrucados.

risposta mia a su lamentu de Anghelu

Abba donosa e maniantale

Est cussa chi bessit  de’ venas tuas

Totu  ti lughet.. cantu pius cuas

Sa forza ‘e s’ intelletu   subr’ e male

Tue  ses sa friscura istadiale

Chi sulenat  a totu.. e totu ajuas

E chin sas manos tuas.. ambas  duas

Ischis betare .. sos punzos de sale.  

L’ ischis  chi sa natura  est dannalza

No isperiat chie meressit  acuntentu

Bi cheret  forza et abbilidade

Pro l’ incher  cando  non dat  piedade

Ma tue  chi de custu.. ses talentu

Ischis ammudinare sa   majalza.



Giuseppe Pintore Pro Anghelu Carboni

No ses abba de una pischina.

No ses abba de una pischina
inserrada chi sa nue alimentada
ca ses funtana d'abba cristallina.

Ue chie nde bufat si cuntentada
ca curres e s'intende su murmutu
donni vena su coro alimentada.

Chie de cussu casbiju nd'at sutu
narada ite abba saborida
paret ca sanat donni male acutu.

Naran s'abba siat motu e vida
fritit sa laras s'omine sidiu
da sa roca ue nd'est iscaturida.

Bundante de monte valat su riu
serenu a mare bonas noas trazat
mustrendela sa fortza cun su briu.

Gai sa mente vagabunda viazat
a lidos chi pariana inconnotos
chi s'ermosura insoro cuntazat.

Currene so rumores sos fiotos
in su silentziu pius iscadenados
de sa mente sunu sos terremotos.

Pessos chi parene assulenados
epuru su sulenu de s'intimu
los faghede pius abbolottados.

Da ue palti su primu pessu frimu
su segundu luego ponet vatu
gai su terzu sighit e paret primu,

e si costruet a momentu adatu
unu mundu pienu de fantasia
de campo fioridos a donni latu.

De leare su olu es bramosia
epuru cue a bolare sena pesu
est sinnu e voluntade e poesia.

S'ispiridu no podet esse presu
s'isfogada a ora oportuna
sena ponnere ostaculos in mesu.

Sa libertade sa menzus fortuna
cudda chi triunfat in sardos coros
chi no la pagat moneda peruna.

Pro la prendere no s'agattat loros
bias tantas chi b'at impedimentu
parat fronte difendet sos tesoros.

Comente ides Anghelu su entu
es che s'ispiridu olat lizeru
caretzendelu totu su firmamentu.

Su misteru a bias no es misteru
proite cando de fronte si parada
si cumprendet chi mancu paret beru.

In s'angustia s'omine imparada
de unu minore cuntentu gosada
e cantu nde tenet gosu narada,

donni alenu c'ada si l'isposada
prit'est amore mannu chi lu ligada
a bias de su deliru no reposada.

Sighit in s'andala e si obrigada
fieru mustrende serenidade
pro cantu sa rughe a pala pigada.

No pedit ne piantu ne piedade
prite sa piedade pagu dada
debilesa est cussa in veridade.

Cando sa fortza enit inserrada
cussa no faghet s'omine zigante
s'est presonera addurat ligada,

ma cando iscappat est sembiante
a s'uraganu chi totu tremede
potente si mustrat in dun'istante.

Mira su marineri pro cantu remede
chi li mancat su corazu in cue
Chi peldet barca cun remu ghemede.

Peroe custu no podes esser tue
ca lu traessas donni oceanu
no times caldu astragu ne nue.

Fino como e t'astringo sa manu
su saludu meu caru afido a s'unda
chi t'agate nessi serenu fitianu
olende cun sa mente vagabunda.

peppe.

Sa festa de Santu Giuanne su Battista del su 2015 (a s’ obreri nou Gianfrancu Denotti) (sa festa de sos pastores de Cuartu sant’ Aleni)

Sa festa de Santu Giuanne su Battista del su 2015 (a s’ obreri nou Gianfrancu Denotti)

(sa festa de sos pastores de Cuartu sant’ Aleni)

Dae custu manzanu a s’arveschida
S’ intendet un sonu de ischiglia
Murmutos connoschìdos da’ una chida
Chi arrivint dae sa solita famiglia
Sa festa in s’ ighinadu l‘ ant chelfìda
Ornende siat balcone e barandiglia
Et oe tot’ in garrera est festa peri
Augurios a familia e a s’ obreri.

Ocannu ..  a pustis de batoghentos

In die  de  grascia ‘e Nostru  Segnore

Su vintisette triulas  sos cuntentos

T’ ant dadu .. de  Batista s’ onore

Disizos  dae minore los as tentos

torrare a mannos tuos  promiss’ e amore

accolla! cussa die ch’ est arrivida

e  tue cussa promissa  as riverida.

Gianfrancu..  chin muzere a manu tenta

Sos fizos.. sa zenia  tot’ impare

Sa zent’ e s’ ighinadu est cuntenta

De poder  a tie acumpanzare

De dolos e de gosos sempre ammenta

Sa  vida   cheret  totu ‘e visitare

Nudda est dadu zertu.. in sa sorte

Comente su Batista in vida e morte

Cumpri totu  su chi deves cumprire:

tribagliu.. s’ amistade.. sa famiglia

un’ annu  as a dever remonire

s’ onore de su santu intr’e sa biglia

su semene c’ as postu at a giompire

cantos suaves  e sonos d’ ischiglia.

Cando  cuss’ ater’ annu at arrivire

su coro  pius lebiu as a sentire.

Dae oe ses  de sa festa s’ obreri

Su bantu de familia e s’ ighinadu

Sa pinna e su pinzellu de  tinteri

Chi  iscriet  cantu vida l’ at donadu

Sias  oe.. e cras  comente deris

Umile  tribagliante  destinadu

Gosa  de cust’ impresa in cumpanzia

faghet  de vida tua …. “poesia”. 

AMORE (Paula Black, Pintore, Desini, Cambiganu)

AMORE  (Paula Black, Pintore, Desini, Cambiganu)

"Il compagno o la compagna ideale esistono.... finchè stanno a debita distanza!..." (Anonimo)

Paola Black 

‎---
S'amor'est su sentidu ideale
finzas chi restat in cuss'ambiente
pritte cando chi diventat reale
de su chi fit no muntenet niente;e da' chi l'asa innanti presente
in duas dies perdet su cabale...
...no est sa prima 'orta chi lu naro
e in custa tesi mi che imbaro...

Giuseppe Pintore 

‎*
Ma gai est un'amore melanconicu
chi mancu si podet jammare amore,
s'ifortzu chi faghimos mnemonicu
pro poder jompere a su fiore.Chi poi addurat amore platonicu
solu in s'immaginariu tenet colore.
Ma cando chi s'istima es profunda
es che cando chi t'imboligat s'unda.

Gianmario Desini 

UImbolende sentidios a iosa
paritraz bias mi nde so impudadu
ca donzi pensamentu e donzi cosa
proaer amore m'apo barattadu.
E como ch'isfozada s'est sa rosarestat s'ammentu, s'ateru est boladu.
M'ap'a ponner a pintare su sentidu
bidu chi su ch'aii ch'est fuidu.

Paola Black 

‎---
Acco' ch' ambos benides a sa mia
idea chi s'amor' est passizeri
bivet eternu sol' in su penseri
ca si paschet de cussa poesia;est gai chi si cuntentat ebbia
finas chi si ch'addurat furisteri...
... ca cando chi una domo agattat
s'ispanniat che un' ou a catta...

Giuseppe Pintore 

‎*
S'amore bivet intro e su coro,
chi solu inie es manifestu,
de sa cale si nde faghe tesoro,
e pagu contat totu su restu.Su valore tenet pius de s'oro
pro cantu bi siat unu protestu,
si mantenet inie soberanu
sustentu es de su genere umanu.

Gianmario Desini 

Mai apo crettid'a s'eternu amore
ma in bona fide 'eo b'apo proadu
B'apo postu sentidu, anima e core
cunvintu 'e cudd'amore decantadu
chi a s'esisenscia donat bonumore.Hapo suffridu, ma no so iscaddadu
ca si ancora m'iscun sa fritza
ap'a chircare 'e la muntenner ritza:
..........Fin'a cando durat.......

Giuseppe Pintore 

‎*
Cupidu su famadu arcieri
mai firmat de tirare sa fritza.
Issu de s'amore messaggeri
isolvet su coro cun sa tritza.Dessini as'ispera chi a sa ritza
addures ancora in cussu mistieri.
Narana finas a cando si caddada,
de amare abberu no s'iscaddada.
......fin'a chi si podet........

Paola Black 

‎---
Ambos l'idides ch'appo sa resone
no appo mancu foddarìa nada,
pro Mariu est che frizz' o ispada
e Peppe intr' 'e coro si lu ponetma pro cantu de oro sa presone
in s'inserr' abbarrat pres' e lantada...
...cussa prenda chi libera lu fiat
solu pintada in sa fantasìa...

Gianmario Desini 

Già so restìu a dare sa rejone
ma Paula custa già l'at atzeccada
s'amore est bellu cando no est prejone
s''idet chi issa puru b'est passada.
Ma cando chi non leat sa passionetotu non paret una passizada
S'amore cando est mannu dat turmentu
cando s'accabat restat s'iscalmentu.
....fin'a cando no ti passat...

Lussorio Cambiganu 

D’ amore est fatu su mundu
E ligat totu cantu su criadu
A bias isse curret vagabundu
In chie no l’at apreziadu
Ma sempr’ inie lu gighet in tunduIsetat solu d’ esser invitadu
A ponner passos intr’ e su giannile
De chie at s’ animu gentile

Giuseppe Pintore 

‎*
Lassademi sa pena e su teu
bias tantas s'amore a primavista,
resultat una manna concuista
tando su coro si pesat a buleu.Aboltas si finit in modu feu
tando e semper una cosa trista.
Chi tota vida no nos favoridi

Gianmario Desini 

No est s'amore chi a dispreju l'amus
giumpendecche sas jannas de su coro,
ca de sos sentimentos nos fidamus
ca in donzi amore b'ada unu tesoro.
Ma custu...chi si male lu frazamusin conca e pes nos ponet milli loro(s).
Ma chie l'agattat mannu ed est eternu
no connoschet angùstias ne infernu.

Lussorio Cambiganu 

Su sentimentu pius decantadu
Su pius chi est post’ in poesia
Sempre totue est istadu chilcadu
E a s’indonu natura lu daiat
Pro cantu siat isse ilmentigaduCando bi fit su coro zocaiat.
Niune lu podet negare
S’ amore no est cos’ e manigare.

Giuseppe Pintore 

S'amore est ispina et'es rosa
es rosa s'amore et'est'ispina,
la collis profumada e nuscosa
t'aggradat delicada e purpurina.
E gai es fata puru sa feminacando la dimandas pro isposa.
Proite fatu gai es s'amore
misciadu tra gioias e dolore.

Gianmario Desini 

Dughentas poesia de amore
iscrittu apo pro s'ultim'amada
persadas medas bortas cun dolore
ca intro de su coro mi fit nada.
Ma, un'umbra passizera...e s'ajuboresicch'at pijadu custa imbreagada.
Saffettu aia offertu cun sa luna
ma, a issa no li bastaiat una.
.....cheriat puru su sole...

Lussorio Cambiganu 

S’ amore no est solu passione
Nemmancu est solu sentimentu
Est rejone, materia e pessone
Est benidore, presente e ammentu
S’ Amore a dresta si ponetde su Segnore e su firmamentu
Est sa parte chi dat a sa vida
Sa forz’ e narrer “issa l’ap’ inchida”

Paola Black 

‎---
Peppe ti piaghet sa rosa fina
ma torras a su meu argumentu,
osservas in sa rosa b'at ispina
suzetta de ti ponner turbamentuma cando la miras sol'in ammentu
no ti punghet ca no ti est bighina...
...gai de figumorisca sos panes
accurzu no nde cherent mancu canes...

Giuseppe Pintore 

A narre ca piaghet es notoriu
solu chi aboltas es supelvu.
Chi no es paradisu es purgadoriu
o inferru chi asteria donni nelvu.
peus ancora cando be su chelvutando es pius d'unu mortoriu.
Proite s'amore es fatu gai
firmu in logu no addurat mai.

Lussorio Cambiganu 

De amore si pienat sa ‘ucca
Cando no at in coro su reposu
Gai faghiat sempre padre Luca
Cantende a finta cussu veru gosu
Totue est.. e sempre si tucatFinas in logu pighidu e iscurosu
No est cosa chi frimmat sa mente
Ca trazat su destinu de sa zente

Paola Black 

‎---
Tott' est bell'a distanzia segura
cando chi attere si lu peleat
e su malu e su bonu si leat
a malaoz' o a bortas a fura,tando già paret s'abba pius pura
no s'illadinat s'est trulla o fea...
... tottu ca dae nois ch'est distante
bastet dae tesu fettat s'amante...

Giuseppe Pintore 

‎*
Deo naro pro rispettu de Mariu
a s'argumentu li ponzo frenu,
de istorias su mundu nd'es pienu,
bi nd'a positivas e contrariu.Chie a patidu unu calvariu
tzeltu es ca non bivet serenu.
Proite sinnadu es tota vida
ca s'amore es sa peus ferida.

Lussorio Cambiganu 

Totu est gulpa de s’eternu Dante
Ch’ at postu iin poesia sa trisca
De animas in ilferru errantes
Notas comente Paul’ e franzisca
A issos mi paret sembianteSu sentimentu tou chi arriscas
Eo so nende de s’odiu chi espellet:
“amor che move il sole e l’altre stelle”

Paola Black 

‎---
Tando tancamos s'ispinosu tema
da chi a Mariu l'est forte pesu
no est su primu issu chi arresu
s'est a-i sos amorosos dilemas, 
in medas b' ant agattadu problemas
ca nd'ant tentu grave su cor' ofesu...
...pero', Mario, sigh' a lu cantare
s'amore ch'in poesi' at s'altare...

Gianmario Desini 

S'amore meu...fit sa vida mia
chi mancu deo puru bi creia
sa mente mia, tota poesia
sas dies mias totu...biadia.
Ma su destinu forsit no cheria(t)
ch'sere deo sighidu cussa 'ia.
Ca menzus cosas...si paran'in bia.

Lussorio Cambiganu 

S’ amore est chei sa poesia
benit cando paret pius atesu
presente no est zeltu chi bi siat
B’ at mamentos chi pius est azesu
Est che sa braja chi restat semper biaIn d’ unu furru chi est ben’ inchesu
Amore.. amore… amore et amore
Ite bella paraula ………….. amore…!!