giovedì 14 gennaio 2016

s' eremita















S’ eremita



Si fio istadu naschidu in  foresta
Aio fatu una palafita
Pro cantu est su tempus chi mi restat
Inie passend’ ora che eremita
Chena connoscher sas dies de festa
E de dulches ingordos mancu fita
De sonos e de nuscos arestes
Tio campare e sa pedde a beste.

Sa cumpantzia non diat mancare
Chena fagher sebèru de sa ratza
Putzones mi nde diant ischidare
Cantende e asendemi sa fatza
Sas feras e sirvones su giogare
Non lassant ca non timent sa catza
Totu sos animales sunt bennidos
Cuntentos d’ esser 'istados cumpridos

Sas piantas, fiores e sos frutos
Mi faghent siat domo che giardinu
Coglio solu sos ramos chi sunt rutos
E azendo unu fogu continu
Gai de note a ojos allutos
Bido abitadores pius vicinu
Su cucu, su mazone e sa tonca
E sas bijones chi m’ enint a conca.

venerdì 1 gennaio 2016

Frinas de mare








Frinas  de mare


Sighende   frinas ch’ essin dae mare
su  caddu  'e s' unda  paret minetosa,
dae   fungutos  abba regogliosa
l’at posta  subr’ e totu  a isprumare.
Cuss’ ebba .. sa  pius balentiosa
de   totu  faghet pro  che las cuare,
paret de l’ider  como   ch’ apat bintu
de sa natura  giumpadu   rechintu  .

Isperiat   dae altu sas minores
chi li lassan su passu  in su sighire,
non  resessin  niune  ‘e l’impedire
s’ andela .. e li porrin sos onores.
Una risposta tian cherrer ischire
“a inue  ch’ est gitende  sos furores”,
no abbaidat a fiancu perunu
.. in segus sighit sa trat’ e niunu.

Est s’unda  de s' airu giovanile
chi partit dae  su coro, cando anneu,
lis cuat  a dolu issoro  un’ impreu
chi siat in domo:  vida  e s’antarile.
Andade  gioventura  chin  Deus
est tempus  de  giumpare su giannile,
sighide de su mare  cussas frinas
leende  de su cras  bonas istrinas.


Brezza di mare
Seguendo la brezza del mare
Il cavallone appare minaccioso
Raccolta l’ acqua dai profondi abissi
Emerge sopra in forma schiumosa.
Quella giumenta .. la più valente
Fa di tutto per nasconderla..
Sembra di vederla ora vincente
.. della natura ha saltato il recinto.
Osserva dall’ alto le più piccole
Onde… che la lasciano passare
Nessuno riesce a fermarla
Nel cammino … e gli porgono gli onori.
Una risposta vorrebbero sentire:
“dove porta i suoi furori?”.
Non si guarda ai fianchi..
Ne dietro … se qualcuno la segue.
E’ l’ onda della rabbia giovanile
Che parte dal cuore.. quando il fato
Nasconde con gran dolore ogni speranza
Che sia di casa: vita ed arco.
Andate con Dio.. ragazzi!
È tempo di saltare la soglia.
Seguite la brezza del mare
Raccogliendo i doni del domani


"sa rundine 'e su coro" litera de augurios de una femina a s' ergastulanu











"sa rundine 'e su coro" litera de augurios de una femina a s' ergastulanu

Aecò .. ! sa rundin’ e su coro
Si pesat .. pro agatare a tie
Penseris de momentu cadadie
Chi sighin sas isperas issoro
De te mi sento sienda- tesoro
E tue das sa lughe e alenu a mie
Presente semper .. inue siat chi sies
S’ idea chi mi das .. eo la coloro.
E tando faghe de forza virtude
Su oe.. e su tempus benidore
Faghedi pius mannu e potente
Omine de custu continente.
Bonannu .. ti lu naro chin su core
Ma tue muntene isperas e salude.

martedì 29 dicembre 2015

intirinende












intirinende


Sa poesia ..amigos est direta
a chie coro abberit a s’aera,
‘ue bi current  frinas de ispera
e coglint totu cantu su ch' isetant.

Cussu colore ruju  ‘e tarda sera
coberit su chelu chena meta..
cando  sa luna 'alu est chieta
finas chi notte manna non s’acerat.

Non lassat dudas a chie l'at in coro
ca bidet  su chi sa natura dada..
s' imbelghet  in  sos bellos sentimentos

chi rendent  melmos friscos e cuntentos.

S' anima  dae sos pesos liberada
torrat sos benes a su logu issoro.

venerdì 25 dicembre 2015

sas rundas de Patada










sas rundas de Patada.


Non ti poto pinghere in mezoru
E mancu ponner vers’ in poesia
Nudda, che te…mancu fotografia
Dat assimizzu a unu chelu in s’ oru.
Milli e pius milli... boghes de unu coru
forsis ti poden dare s’ armonia...
o puru orchestra in dd’ una sinfonia
fagher de te su cuadru sonoru.
Custu manzanu t’apo 'alu miradu
comente faghio in pizzinnia...
su tempus passat
...a tie nudda lassat
restas comente sa menzus poesia.
raida 'e versos.. su coro m' atatas
'alu m'incantas e nde resto ammajadu

caddos multinos Mauro Puddori artista: ( G. Pira .. G. Montesu .. L. Cambiganu)

caddos multinos


Mauro Puddori artista:
"Il mio sogno, scrivere poesie belle come i miei dipinti, o almeno che somiglino un po a quelle bellissime di Peppe Montesu, o quelle di Lussorio Cambiganue quelle di Giovanni Pira, forse un giorno riuscirò, un sogno difficile da realizzarsi, un conto è la pittura e un'altra è la poesia, una faticaccia incredibile, non faticavo così nemmeno quando facevo il tagliapietre.."



Maureddu poeta ti disizas 
che a Pira, Montesu e Cambiganu.
 Ma su disizu tou no est vanu
 ca poeta ses già, non tind'abizas? 
Ca cando pintas cussas meravizas,
 sa poesia la giughes in manu, 
 ca essin gai bellas e perfetas
 solu si sos pintores sun poetas!...




Est poesia tottu su chi cantat
E chi aperit sas jannas de chelu
Mauru su chi pintas in su telu
Pius de sas paragulas ispantat
Si e colore sa tela s’ammantat
Intro e coro a tottu dat anelu
Ista sicuru chi est poesia
Chi su prinzellu iscriet ebbia



Lussorio Cambiganu ^^^^^^^^^
De poeta nd’ as s’ animu profundu
Comente de pitzinnu as su coro
Gai penseri tou vagabundu
Curret fatu sas siendas issoro
Sas musas chi chilcas las as in tundu
Chi ti dan cantu pedis pro ristoro
Sias cuntentu de cantu as in pista
Ca tue ses cumpletu.. un’ artista

Bona Pasca de Nadale










chin salude e cuntentu



B - os tio cherrer dare unu fiore
U - nigu, de colores naturales
O - lfanu dae tristu e chena males
N - ebidu che- a su prim’ amore

N - ados in custu modu verticale
A - ugurios chi essin dae core
T - antu bos porro rendende- bos onore
A - totu cantos de Pasc’ e Nadale
L - eadelos comente prenda siat
E - 'onzi ateru bene Deus bos diat.