Bellu... pro ite?

Bellu.. pro ite?

Pro cantu sia unu pecadore
A Tie solu bido in s’ andèra
Non b’est in sa chima una bandera
Ma tue chin sa rughe Redentore
De s’omine connosco su piore
Sa cara mai connota verdadera
Sa chilca .. de sa solita chimera
Chi mustrat a sa vista falzu onore.

Biadu chie non sufrit dolore
De corpus cando est ammaltizadu
O cando bessit d’ anima vigore
De cussu chi pecadu at suberadu

Sa vida est bella.. ma bella abberu
Solu cando chin tegus.. ses sinzeru.



Bello… perché?
Per quanto sia peccatore 
Solo Te vedo nel cammino
In cima non c’è una bandiera
Ma Tu con la croce Redentore.
Dell’ uomo conosco la polvere
La faccia .. non quella sincera!
La ricerca .. della solita chimera
Che che mostra solo un falso onore.
Beato chi non soffre il dolore
Seppur abbia il corpo martoriato 
O quando d’ anima il vigore
Esce da chi il peccato ha superato
La vita è bella .. ma bella davvero
Solo quando con te… sei sincero.

tue Vietnam .. (foto Slim Tree)

Tue Vietnam ( foto di Slim Tree )

Tue:

.. ses su lentore in s’ arveschida
Chi ilfriscat ojos in sa mirada.
… ses su raju ‘e sole caente
Chi iscaldit sos coros drommidos.
.. sa frina ‘e bentu movende
Chi ischidat sas animas gatias.
… ses su butone prontu a fiorire
Chi dat s' ispera a chie l’at peldida.
.. tue terra donosa ses de vida
Chi riet a su mundu .. Vietnam.

you:

.. You are the dew at sunrise:
that refreshes the eyes of the beholder

.. Are the ray of sunshine
that warms the hearts sleepy

.. The breeze of wind
that awakens the souls lazy

.. You're the bud blooming
that gives hope to those who l 'has lost

.. You are generous land of life
smiling to the world ... Vietnam

sa resolza patadesa

Sa resolza patadesa

Tue motivu  'e cantigu presente:
Remunnu ‘e Locu t’at maleitu,
dae Bitti posta in gulpa e t’ at in mente
pro sambene ch’ inie as fat’impitu.
Canale est bistadu previdente
fatende pro sa corrina s’ abbitu
chi como totu naran sa resolza
ca fiama gighet in sa cuadolza.
De Montanaru sa pius lughente:
lepedda fiammante patadina,
sempre l’ at gita in vida presente
dae sa festa ‘e santa Caderina.
Bantados dae mastros sos dischentes
c’ an postu in mes’ e maniga corrina..
sos Bellos e sos Zintos l’an cumpresa
s’ arte de sa resolza patadesa.
Sempre pinzu bramadu e presente
in bidda chi l'at naschidu s' idea..
in manos de pastore e de balente
ses tue motiv' e gloria e de pelea.
Ispalta ses in donzi continente
ti copian.. ma tue restas sa dea
tue chi ses rejna e ses famada
resolza ses  de numen ..  sa Patada.

su carru e s'arbure (opera di Ielmo Cara)

su carru e s' arbure (opera di Ielmo Cara)

Lussorio Cambiganu ^^^^^^^^^

Cand’ illongan sas umbras de sa sera
su carru b’ est inie abbandonadu.
su bentu ‘e maestrale l’ at mujadu
un’ arbure in colores de ispera.

Giuseppe Pintore ***

Suta s'alvure maestosa pasat
su carru poi 'e tantu turmentu,
s'alvure riverente si lu asat
umpare a so muilos de su entu.

Lussorio Cambiganu ^^^^

E gai sunt su gosu e su turmentu
Chi benin cando mai ti l’ isetas
A palas totu sulat ..totu betas
Ispintu dae sa forza de su bentu…

Salvatore Sini

Mujadu che unu santu pellegrinu
cuntemplat su carritu fatt'a 'istrale
pijadu a s'iclemente maestrale
puru su carru est mortu in su caminu.

Lussorio Cambiganu ^^^^^^^^^

Gai d’ ispera s’ azendet lominu
Cando paret pius su mundu mortu
Finas Jesus in chelu resortu
S’ est dae custu logu malandrinu

Lughe noa.. (ad Orune.. Terra di valori solidi ed incognite contraddizioni)

Lughe noa.. (ad Orune.. Terra di valori solidi ed incognite contraddizioni)

Dimandas de gai e de comente?
Ti pones cando non nd’ agatas filu
Ispàchende in duoso su pilu
Ma nudda chi t’ ilgiaret sa mente
De cuintale ti paret su chilu
Su metre lu misuras chin sa lente
Sos contos chi non torran pro niente
Su cabu e s’ aficu chilcadìlu.

E tando curre fatu a cantu jaru
Nos dat cussa lugh’ e su manzanu
Sas fertas de su deris remonidas
Comente mai bìvidas e bidas

Su sole chi che pigat a pianu
Che nou sighimùlu .. cussu faru

mendula in fiore

Sa mendula in fiore

A mesu de frealzu pioosu

B’ est s’ arbùr’ e  mendùla fiorida

Non paret  che ateros fritulida

Anzias .. paret chi nde mustret gosu

Comente  donzi  frutur’ e sa vida

Su primu est cussu pius suzzosu

D’ ammentos  e  de fagher animosu

Cominzat  s’ andera  saborida.

pro chie innamoradu...

pro chie  innamoradu …

..e naschet che a tenneru fiore
in mesu de rueddos  e ispinas.
Sas deas de s’ elosu  in raighinas
li chican de furare  su colore.
Dilig’ unu  sentìdu   o  de  furore
chi falat dae conca  in s’ ischina..
imboligat  su re e sa reina
ponzende   sa corona  a s’ amore.

D’ amore est fatu su mundu
E ligat totu cantu su criadu
A bias isse curret vagabundu
In chie no l’at apreziadu
Ma sempr’ inie lu gighet in tundu
Isetat solu d’ esser invitadu
A ponner passos intr’ e su giannile
De chie at s’ animu gentile

Su sentimentu pius decantadu
Su pius chi est post’ in poesia
Sempre totue est bistadu chilcadu
a s’indonu natura lu daiat
Pro cantu siat isse ilmentigadu
Cando bi fit  coro tocaiat.
Niune lu podet negare
S’ amore  faghet sa mente bolare.

S’ amore no est solu passione
Nen mancu est solu sentimentu
rejone est, materia e pessone
benìdore, presente e ammentu.
A dereta s' amore si ponet
a faca 'e Segnore in firmamentu.
Est  alchida  chi dat a sa vida
sa forz’ e narrer: “l’ap’ inchida”

D’ amore si pienat sa ‘uca
cando no at in coro su reposu.
Gai faghiat sempre padre Luca
pro  dare a isse  pagh’ e gosu.
Totue est presente .. e si  tucat
finas in su pighìdu  iscurosu
No est cosa chi  frimmat sa mente
ma trazat su destinu de sa zente

Totu est gulpa de s’eternu Dante
ch’ at postu in poesia sa trisca:
anìmas duas in ilferru errantes
notas comente Paul’ e Franzisca.
A issos mi paret sembiante
sentidu chi pro isse  totu arriscat.
Sa forza  'e s’ ispad’ e Gabbrielle
“amor che move il sole e l’altre stelle”

S’ amore est chei sa poesia
chi benit.. cando  pasat atesu
presente no est zeltu chi  siat
a bias  forte  s' apparit   azesu
che  braja  in chejina  restat  bia
si furru si munenet  ben’ inchesu
Amore.. amore… amore et amore
Ite bella paraula ………….. amore…!!

Ojos de manos ... scultura a Louis Braille.. dell' artista sardo Antonino Ruggeri

ojos de manos (Louis Braille,)scultura di Antonino Ruggeri

ojos de manos

Pro  ti poder gosare

Cun  ojos de su coro eo ti miro

Sa vida ap’ a tocare

cun manos  fat’ a ojos eo m’ ispiro

Per poter  gioire

con gli occhi del cuore ti guardo

toccherò la vita

ispirandomi  con le mani  che osservano