Tempos
bidos “1970 - Lanerossi Vicenza – Cagliari 1 a 2”
Cando su sole cominzat a si nde
pesare mandende rajos de lughe ranchida, sa pala de sa Naitera est cominzende
at asciutare dae su lentore chi at betadu ‘istanote . In s’ adde de Molinu sa
‘eddia 'alu non cheret ilvelare e dae mesu de sos elighes de su mont’ e subra,
dae s’ Ololche a sa Pala ‘Ulesa, si pesant altas e pustis mujadas a manu manca
dae su maestrale, candelas de fumu chi lassat andare sa frasca apipirada dae
sos iddaresos chi la sunt uscende a pustis chi ant segadu sa linna de minter a
su linnalzu pro s’ ijerru ch’ at a benner.
Sas feminas, a trumas de duas o
tres, sunt già in su cunzadu ‘e “Binza ‘e Figu” cogliende fenujeddu. A sa pag’
ora tocant sas campanas de Santa Sabina, e in su mantessi mamentu, donzi die,
arrivit su pastore chi las brigat a mala saura: “m’azis lassadu sa jaga
abbelta, si ch’ essit sa robba a s’ istradone bos rujo s’ ischina”
Eo impare chin Anghelu leamus a
conca in giosso su tereghinu de Cuculò, cuss’ isperrumadolzu chi atraessat su
muntonalzu, e pagu suta si paltit: unu chirru a dereta pro Campu e s’ ateru a
manca sighit pro sa Pioredda e Ludalzos. Oe semus imbiados a Ludalzos, ca su
tiu Antoni (isse li narat padrino) devet piantare sa fae, su pisuciu e s’
asoleddu ‘e funtana. A cando a giompere a su cunzadu, tiu Antoni aiat già
giobadu sos boes a su juale e fit istringhende sa punta atalzada a nou a s’
alvada de s’ aradu:
- Non bos pariat s’ora? - nos
narat, fatende finta de esser annicadu, chilchende de si mustrare pius intreu
de su chi est in sa realidade, pro nos dare bonos imbios de vida.
- “Padrì” - Anghelu sempre
rispetosu chin su tiu - “nos at frimmadu don Mura pro nos dare cumandos de
cheja”- A cussu, su tiu no aiat nudda ite narrer,
ca fit omine meda credente et ‘onzi
cosa a rigualdu beniat prima de totu.
Aprofitende de s’ ammodigada ‘e
coro, mi l’aculzio e li naro:
- Ti’ Antò!! a passadu mesudie b’
est su Cagliari chi giogat e a sas batoro cominzat su “calcio minuto per
minuto” chi dat su segundu tempus de sa paltida.
- Contra chie devet giogare? - Isse
chena alciare de ojos
- Chin su Lanerossi Vicenza; semus
primos in classifica e Riva est a una rete
dae capocannonieri, a bisumeu ocanno est capatze chi inchemus su
campionato
- E tando cheret chi bos
ilvolighedas, sinono nos agatan inoghe finas a cras - andade e dade a manigare
a sas puddas e una passada ‘e trazaderra in su polchile. –
Prima de aer sistemadu su juu e
aganzadu s’ aradu a su juale, aiamus già bell' e che agabbadu totu:
- Padrì, totu fatu!! in su puddalzu
b’at una pudda molta; paret iscannada dae s’ anna ‘e muru.
- It’ orabbona!! ocannu non bi nde
lassat mancuna, est sa‘e tres in unu
mese. Bisonzat de tuponare donzi bucu. Forza, ponide fatu de a mie: tue Anghelu
lea sa bertula e pone parizzas giuntas de fae in d’ unu fodde e tue Rì.. su
zapu.
Unu colpu ‘e foete a cussos boes
sardos apenas mezorados a murinu, cominzat a betare unu sulciu. Anghelu ponet
fatu chin sa fae, lassendende andare duos o tres ranos a donzi prammu ‘e manu
et eo, luego, coberzo chin sa zapita leende dae sa terra movida a costazu.
Diai pro chimbe torradas, e sa fae
sistemada in pius pagu de un’ ora. Su pisuciu e s’ asoleddu de funtana duos
sulcios peromine; los amus piantados betende sos ranos intro sos bucos fatos
mintende unu rocu in sa terra movida dae s’ aradu.
A sa tocada de sas campanas de s’
ave maria aiamus fatu totu. Tiu Antoni cuende s’ orgogliu pro sa faina,
mescamente pro s’ ilfacendu de su
fizolu:
- Como faghidebos duos oldines de
sa ‘inza - fit su tempus de pudare, prima chi aeret torradu a brotare frueddas
noas.
In mes’ ora totu aparinadu.
- Fatu padrì – ite nades, pro sas
batoro a bi semus in bidda?
- Amus a bidere ! como nos sezimus
a bustare –
Chin sa lamita aculziamus a sa
balza e la pienamus de abba frisca chi ‘essit a fusu allegru dereta dae sas
venas. Intrados a sa pinneta, abberit sa tasca e nde bogat su poddine chin s’
aunzu e unu bote de olia cufetada a nou chin canna de fenujeddu.
- Leade e manigade in grascias de
Deus –
Unu sinnu ‘e rughe et totu impare -
apetitu!! –
- Tando..! nademi unu pagu “custu
Cagliari ocannu, lu binchet o nono s’ iscudeto? No est chi at a cumbinare che
s’ annu passadu chi che semus
restados a unu prammu de nare dae
sa Fiorentina?
- Sa Juve est folte! b’ est cussu
Cucureddu chi fit in sa Torres; ma si binchet oe su Cagliari e sa Juve peldet,
si ch’ andat a tres puntos e non la tenet pius. Valcareggi at fatu già sas
primas convocasciones pro su mundiale de Messico; bi nd’ at ses de su
Cagliari..
Eo, leadu dae sa presse e sa
fissascione pro sas istatisticas e frommasciones, luego naro sa mia:
“Albertosi-Nicolai-Cera-Domenghini-Gori-Greatti e Riva” sunt sete, ma
seguramente a Greatti non si lu gighet ca bi sunt Mazzola-Rivera e De Sisti e a
faca de Riva at a giogare Anastasi comente in sas cualificas e in s’ europeu
chi amus bissu contra sa Iugoslavia”.
- E cussu aversariu de oe ite
paret? Ponet pispinzu? - interessadu finas tiu Antoni;
- Est una iscuadra de bascia
classifica, ma b’est cussu Vitali chi est signende meda at fatu una rete pius
de Riva. - eo, immediatu.
Tiu Antoni abberit de laras e a
risu postu:
- Seguramente Niccolai non li at a
fagher tocare bocia, ma a signare in sa porta de Albertosi b’ at a pessare
isse.
- Padrì!! in s’ isostre de domo apo
agatadu unu libbereddu tituladu “sa Gerusalemme Vitoriosa” de Merzioro Dore, ma
bois non mi aziazis sempre nadu chi fit de Padre Luca?
Tiu Capiale, diai de sambenadu,
indignadu! :
- Est una faula manna de su
canonigu Ispanu, est de Padre Luca. L’ ischint finas sas pedras, ma in cantu
fit in triulos chin sa cheja e Dore a su revessu in grascias de piscamos, l’ant
furadu sa poesia pro la dare a su bitichesu.
Cussa est sa prima ‘olta chi apo
intesu mentovare de sa “Gerusalemme Vitoriosa” e de Melchiorre Dore poeta de
Biti. Ischio chi padre Luca Cubeddu aiat passadu bona palte de sa vida in sos
saltos de Solle (leada bitichesa a lacanas de Mamone) in mesu a sos pastores de
inie e chi recuian dae totu sa leada pro l’ intendere cantende sas poesias chi
poniat. Fit s’ era de s’ arcadia prima de che torrare a sa fide cristiana e
recuire a su cunventu de Oristanis.
- Ilbarrazade e ispilide cussa
pudda morta, poi pigadeboche a bidda - ‘alu a cristas faladas pro s’ ammentu
chi Anghelu l’at fatu de sa poesia furada.
Aiat sambene poeticu chi li curriat
in venas, tiu Antoni; mannos suos sunt bistados bonos poetas improvisadores. In
su zilleri de familia de “Riu Toltu” dae cominzu de seculu passadu finas a sa
meidade, curriant misuras de Nieddu Polchinu, Nieddu Mannu e Niedduzzu e ateros
misciados chin s’ arriadolza; sos biancos chi pius andaiant fint su Clareto e
s' Alvanesu. Tra una misura e s’ atera de custos binos . porridos a taulinu,
sos poetas mustraiant s’ abbilidade issoro in donzi fromma de rima e moda.
Tando tiu Antoni fit carrulante e tramunaiat sa robba anzena a cumandu. Anghelu
mi contaiat chi finas isse a criadura s’ apentaiat in su zilleri de sos
Capiales a intender custos contos e sas poesias de sos poetas antigos de idda.
- Ciao padrì! Nois semus andende.-
Ispilida, ilmatada e isanchiddada
sa pudda, tucamus a bidda e a punta fica leamus sa pigada de Carrucalza,
lezeros, pariamus ispintos dae frinas de ‘entu. Siat pro s’ edade giovanile che
pro sa boza de azendere sa radio e intendere ite aiat cumbinadu su Cagliari in
su primu tempus..!!
Apenas intrados a bidda, non s’
intendiat ischimuzzu perunu; solu radios azesas chi fint dende sa pubblicidade
de su “Stock 84”, innanti de su cominzu de su “calcio minuto per minuto”. Tando
daiant solu su segundu tempus e non s’ ischiat comente fint sos risultados. Dae
sa madonnina, in s’ intrada de ‘idda, a domo, in s’ ighinadu de Santa Sabina,
b’ amus postu su tempus de una falada ‘e pibirista, e isalenende amus azesu sa
radio: Provenzali passat sa linia a Ciotti chi est sighende sa paltida in
Vicenza:“Qui a Vicenza il Cagliari sta vincendo per uno a zero con un gol di
Gigi Riva” – Unu brincu e a fora de sa gianna, pro abbojare in sa garrera
impare a totu sos piseddos de su ‘ighinadu. S’ aparit una bocia e cominzamus a
li dare calches e a l’ adobbare contra sa fatzada de sa domos de sas fadas. Sa
paltida sighit finas a su vintichimbesimu minutu de su segundu tempus:
- “Scusa Ameri – narat Ciotti … qui
a Vicenza abbiamo appena assistito ad una acrobazia ove solo Gigi Riva poteva
arrivare.. con una giravolta in rovesciata ha portato il Cagliari in vantaggio
per due a zero.”
Chin sas duas retes de oe, Riva est
passadu capocannonieri chin una rete in pius de Vitali, finas si isse puru nt’
at fatu una chimbe minutos a pustis de Riva. Sa paltida est finida duos a unu
pro su Cagliari chi si cufrimmat prima in classifica a tres puntos dae sa Iuve.
Su sero pius a taldu amus bidu in sa “Domenica Sportiva” cantu sas paraulas de
Ciotti non fint resessidas a contare in sa radio sa bellesa de sa rete chi aiat
fatu tremare totu s’ istadiu “Menti”, pro sa potenscia atletica de Riva, e si
nd’est pesadu totu paris pro li zocare sas manos e li porrire onore.
Finidas sas festas pro sa binchida
de su Cagliari, recuit tiu Antoni, e Anghelu curret a li narrer de su risultadu
pessende de li fagher cosa agradessida, ma isse bene cuntritu:
- Su Cagliari det aer bissu puru,
ma non ti dat ite manigare. Sa pudda si l’at rosigada s’ atu! chin sa presse de
pigare a bidda, ti l’ as ilmentigada in bia subra de sa banca e non nde l’ as
batida a inoghe. –
(su contadu est de mesa fantasia)
Lussorio Cambiganu.
Tempi vissuti “1970 – ( Lanerossi
Vicenza – Cagliari 1 a 2)”
Quando il sole inizia ad alzarsi violando raggi di luce
rancida, il crinale di “sa Naitera”
sta iniziando ad asciugare dalla rugiada caduta
stanotte. Nella vallata di “Molinu”
la brina ancora non vuole saperne di sciogliersi
e dal ventre della foresta di leccio della sovrastante montagna : da “s’ Ololche fino a “sa Pala ‘Ulesa” si alzano, chinate a sinistra dal maestrale, alte
colonne di fumo che si levano dal fuoco delle frasche accatastata dai paesani, che la stanno
bruciando dopo aver tagliato la legna da conservare nella legnaia per l’ inverno che verrà.
Le donne, a gruppi di due o tre, sono già nel tancato di “ ‘Inza ‘e Figu” raccogliendo il finocchietto selvatico. Poco
dopo si sentono i rintocchi delle campane di Santa Sabina, nello stesso momento,
ogni giorno, arriva il pastore che le sgrida a malo modo: “avete lasciato il cancello aperto, se esce il gregge fuori nella strada vi spezzo
la schiena!!”
Io insieme ed Angelo
prendiamo a testa bassa il viottolo
dissestato di Cuculò che attraversa
la discarica, e poco sotto si divide in due: uno a destra verso Campu e l’ altro a sinistra segue per “sa Pioredda e Ludalzos”.Oggi siamo
diretti a Ludalzos perché lo zio
Antonio (lui lo chiama padrino) deve piantare le fave, i piselli ed i ceci. Già prima che giungessimo all’ orto..
zio Antonio aveva unito il giogo dei
buoi e stava stringendo la punta
temperata a nuovo all’ aratro:
- Non vi sembrava
l’ora? - ci dice, facendo finta
di essere arrabbiato e cercando di apparire più severo di quanto lo fosse nella
realtà, al fine di darci buone dritte di vita.
- “Padrì” – Angelo sempre rispettoso con lo zio – “ non
abbiamo colpa perché ci ha fermato don Mura per darci delle commissioni di
chiesa”.
A quello, lo zio non
aveva nulla da ridire, perché era un
uomo di fede profonda ed ogni cosa a riguardo aveva la precedenza su tutto. Approfittando del momentaneo ammorbidimento di cuore, mi avvicino e gli dico:
- Zio Antò!! Di
pomeriggio c’è il Cagliari che gioca, alle quattro inizia il “calcio minuto per
minuto” che trasmette il secondo tempo della partita.
- Contro chi deve giocare? – Lui senza alzare gli occhi.
- Con il Lanerossi Vicenza siamo primi in classifica e Riva è
ad un gol dal capocannoniere quest’ anno forse vinceremo il campionato –
- Allora vi dovete dare
una mossa altrimenti ci troveranno qui
fino a domani, andate e date da mangiare alle galline e pulite la
porcilaia –
Prima che avesse agganciato
l’ aratro al giogo, avevamo già finito:
- Padrì!! tutto fatto, nel pollaio c’era una gallina morta, sembrerebbe scannata dalla donnola.
- In buonora!! Quest’anno non
ne lascia viva alcuna, è la terza in un mese. Bisogna tappare tutti i
buchi. Forza, venite appresso a me: tu Angelo prendi la bisaccia e riempila con alcune manate di
fave e tu Rino la zappa.
Un colpo di frusta a quei buoi sardi migliorati un po’da bruno-alpino, ed inizia a solcare il terreno.
Angelo va dietro l’ aratro e lascia andare due o tre fave per un seme ad ogni palmo di mano ed io, subito dopo, li copro con la zappetta prendendo dal terriccio al lato smosso dall’ aratro.
Così per cinque solchi e le favi sono state sistemate in meno di un’
ora. I piselli ed i ceci, due solchi a
testa, li abbiamo piantati sistemando i semi dentro un buco fatto con
un pezzo di legno appuntito nella terra arata.
Ai rintocchi delle campane dell’ Ave Maria avevamo
terminato. Zio Antonio celando l’ orgoglio per il lavoro svolto, soprattutto
per l’impegno del figlioccio:
- Adesso fatevi due filari della vigna - era il tempo di potare la vite prima che germogliasse nuovamente.
In meno di trenta minuti
tutto appianato.
- Fatto padrì ! cosa dite, per le quattro saremo in paese?
- Vedremo..! ora ci sediamo a pranzare –
Con un piccolo barattolo
di conserva ci rechiamo alla fonte e la
riempiamo di acqua fresca che sgorga
allegramente dalla sorgente.
Entrati nella casa, dalla bisaccia toglie pane spianata con il companatico ed un barattolo di
olive speziate con
canna di finocchietto selvatico.
- Prendete e mangiate in grazia di Dio! –
Un segno della croce ed insieme :“appetito”
- Allora ditemi un po’: “il Cagliari quest’ anno vincerà lo
scudetto? Non è che succederà come l’ anno scorso che siamo rimasti con un palmo di naso dalla Fiorentina?
- La Juve è forte ed ha comprato Cucureddu dalla Torres, ma se vince oggi e la Juve perde, si stacca di tre punti e non
la raggiunge più. Valcareggi ha fatto già le prime convocazioni per il Messico
e ce ne sono sei del Cagliari.
Io preso dalla foga e la fissazione per le statistiche e le formazioni, presto dico la mia:
- “Albertosi-Nicolai-Cera-Domenghini-Gori-Greatti e Riva” sono
sette, ma
- sicuramente non
porterà Greatti perché ci sono: Mazzola-Rivera e De Sisti e a fianco di Riva
giocherà Anastasi, come nelle
qualificazioni e nell’ europeo che
abbiamo vinto contro la Iugoslavia.
- E l’ avversario
odierno com’è? Preoccupa?
- È una squadra di bassa classifica, ma c’è quel Vitali che sta segnando molto ed
ha fatto un gol più di Riva.
Zio Antonio ride di gusto a bocca aperta:
- Sicuramente Niccolai non gli farà toccare il pallone, ma a
segnare nella porta di Albertosi ci penserà lui.
- Padrino! nel solaio
di casa ho trovato un libricino intitolato “la
Gerusalemme Vittoriosa” di
Melchiorre Dore, ma voi non mi avete
sempre detto che l’ aveva composta Padre Luca Cubeddu?
Zio Cappiali, così di cognome, indignato!:
- È una grossa bugia del canonico Spanu; è di Padre Luca, lo
sanno anche le
ietre. Ma, in quanto
era mal visto dalla chiesa, a differenza del Dore che era nelle grazie dei vescovi, gli hanno rubato la poesia per
assegnarla al bittese.
Quella è la prima volta che ho sentito parlare della “Gerusalemme Vittoriosa” e di Melchiorre
Dore, prete e poeta di Bitti. Sapevo che padre Luca aveva trascorso buona parte della sua vita
nelle campagne di Solle (zona del
bittese ai confini di Mamone) tra i pastori del luogo e di coloro che lo
raggiungevano da tutte le parti per sentirlo declamare le sue poesie. Era il
tempo dell’ arcadia, prima che tornasse
alla fede cristiana ed al convento di Oristano.
- Sparecchiate il tavolo e spennacchiate la gallina morta,
dopo salite in paese-.
Ancora con le sopracciglia
abbassate per il ricordo che Angelo gli
aveva portato alla luce della poesia rubata. Aveva la poesia
che gli scorreva nelle vene; i suoi avi sono stati dei buoni poeti
improvvisatori. Nella taverna di famiglia di “Riu Toltu” ad inizio del secolo scorso fino alla metà, correvano misure di: “Nieddu polchinu-Nieddu mannu-Niedduzzu” ed altri vini miscelati con
“s’ arriadolza”, il bianco più difuso era il Clareto.
Tra una misura e l ‘altra di quei
vini serviti a tavolino, i poeti mostravano la loro abilità nella composizione e nella rima. Allora zio
Antonio era un conduttore di carro a
buoi e trasportava le cose altrui su
commissione.
Angelo mi raccontava che anche
lui da bambino piccolo si intratteneva nella taverna dei Cappiali a sentire
quelle storie e le poesie dei poeti antichi del paese.- Ciao padrino!! noi
stiamo andando!!
Spennacchiata, sventrata e
mozzate le gambe della gallina ci incamminiamo per Pattada e prendiamo l’erta salita di Carrucalza, leggeri.. con il venticello che ci spingeva, sia per l’età
giovanile che per l’ ansia di accendere la radio e sentire il risultato
del primo tempo del Cagliari. Appena
entrati nel paese non si sentiva la mosca volare, solo radio accese che mandavano in onda la
pubblicità dello “Stock 84” che apriva il “calcio minuto per minuto”. Ai tempi
davano solo il secondo tempo e non si sapeva il risultato del primo. Dalla
madonnina all’ ingresso del paese fino a
casa, nel rione di Santa Sabina,
abbiamo impiegato il tempo di un batter d’ occhio e ansimando abbiamo acceso la
radio. Provenzali passa la linea a Ciotti che sta seguendo la partita a
Vicenza:
- “Qui a Vicenza il Cagliari sta vincendo per uno a zero con un gol di Gigi Riva”
Un salto ed usciamo fuori dalla porta per
incontrarci nella strada con tutti i
ragazzi del vicinato. Si materializza un
pallone ed iniziamo a calciare contro la facciata della “domo ‘e sas fadas”. La
partita segue fino al venticinquesimo minuto del secondo tempo:
- “Scusa Ameri!! – dice Ciotti …
qui a Vicenza abbiamo appena assistito
ad una acrobazia ove solo Gigi Riva poteva arrivare, con una giravolta in rovesciata ha portato il Cagliari in vantaggio per due a
zero.”
Con le due reti di oggi Riva
è diventato capocannoniere con un gol in più di Vitali, seppur anche lui
ne abbia fatto uno cinque minuti dopo. La partita è finita due a uno per
il Cagliari che si conferma prima in classifica a tre punti dalla Juve.
Alla sera sul tardi abbiamo
visto nella Domenica Sportiva quanto con la radiocronaca, Ciotti non fosse riuscito a rappresentare la bellezza del gol che aveva
fatto tremare lo stadio “Menti”, per la potenza del gesto atletico di Riva,
tanto che l’ intero pubblico si è alzato in piedi contemporaneamente per
applaudire e porgere i dovuti onori.
Finita la festa per la vittoria del
Cagliari rincasa zio Antonio ed Angelo
corre a riferirgli il risultato,
pensando di fargli cosa gradita;
ma lui contrariato:- “Il Cagliari avrà pur vinto, ma non ti dà da mangiare. La gallina l’ ha divorata il gatto,
con la fretta di salire in paese
te la sei dimenticata sul tavolo e non l’hai portata qui.” –
Lussorio Cambiganu
(Il racconto verosimile)