cazza russa a sa limba sarda (disegno di Ielmo Cara)

catza russa a sa limba sarda (disegno di Ielmo Cara)

Chie no at rejone.. no nd’ at gana
De ponner in caden’ atera maglia
A camba culza sa limba ligàna
Pro la leare sempr’ a trancamaglia
Sa beridade in s’ ateneu cuàna
Pessende chi siat totu maramaglia
S’ abbitu ‘e limba sarda no est cussa
Inue s’ italu sonu semper bussat.

E puru annos milli.. e milli ancora
Mai connotu at sa limba olvìdu
Pustis de note sempr’ a s’ aurora
Su sardu .. a manzanu s’ est bidu
A conca alta anda e .. in bonora
Tue chi mai s’ istranzu l’ as timidu
Pares che fera in post’ e catza russa
Ferida in s’ unore.. t'an iscussa.

Tantu ti cheret male su padronu
Chi lacanas foranas at connotu
Pastore e tribagliante t’ at in donu
Finas si de dinari no est a notu
Li restat su disizu in dies de bonu
D’ intender alu meda cussu motu:
“procurade baron’ e moderare
Sa tirannia..o torramus a gherrare”