sa Pasca est allegria.
Tio cherrer pigare
in chima de unu monte
pro bider solu baddes fioridas.
Sas benas agatare
pro las aer de fronte
cando bundantes sun in sas bessidas,
lebias , cristallinas
giumpan in sas pischinas
in mannas e minores regoglidas.
e che su diamante
refretat inie lughe custante
Pustis ojos a chelu
alcio in sa mirada,
abbaidende lacanas luntanas;
inie bido: “michelu!!”
su sole a sa pesada
chi dat colore a seddas incantadas.
Buscos de bonu pigliu,
teulas de vermigliu
coloran biddas inie pasadas.
In su mantessi istante
mi lughen ambos ojos che brillante.
A orijas sos sonos
mi dan sa sulenada
chi s’ ambiente dat in armonia.
Cussos sentidos bonos
mama natura dada..
de musica sa menzus melodia.
A zocu sas campanas
de sas chejas foranas
m’ ammentan chi sa Pasca est allegria.
De cuntentu bundante
su coro porro a mundu che amante.
Nessun commento:
Posta un commento