“In sardu iscrio, in sa limba imparada dae totu chena mastru in pitzinnia; in conca mia restadu non bi ada ne latina ne ìtala poesia, si in cussas limbas l’ aere ìmpastada mi diant aer nadu chi no est mia. Coment’ isco faeddo.. accolla nada però est cosa mia et non furada” Padre Luca Cubeddu .. dae "sa Cantone de sos sardos"
giovedì 16 aprile 2015
Bitti.. proite?
Bitti.. proite?
Bitti.. proite ‘alu b’ est s’ammentu?
Mi frimmo un’ iscuta a sa pregunta:
Su brincu chi mi ispinghet su bentu
che ponet sa pizzinnia in punta.
Dae cando in su lacu minoreddu
sa vida mi l’at postu in agiunta
impare chin su frade Giuanneddu..
in bratzos che a babbu m’at ninnadu.
Dae Vitzi .. in Patada Chirigheddu
a pustis de trint’ annos l’ ap’ ojadu..
ferendelu che punta ‘e saeta
“Abberu!!..tue ses Rino?” m’at nadu.
Si frimmat totu s’ aera chieta
pro cantu butulat s’ emoscione..
s’ abbratzu pius forte de maneta
nos torrat siat su tempus che pessone
furados dae su fatu peregrinu .
A custu sighit sa prima cantone
de babbu cando botza ‘e canterinu
l’ essian dae su chelu ‘e sa buca
sos versos chi ‘alu apo vicinu:
“su numen meu est padre Luca..
sos de Bitti mi giaman padre Solle..
sos versos chi mi bessin dae ‘uca
paren sian betados in su molle”.
Sa gioventura brincat donzi traja
e ponet sos pes semper in folle..
tancas de Otieri in Meraja
m’ an dadu su connotu chi cherian.
Ammentos como coglio dae sa maja:
Gherdones.. Delogos e Baddias
inie acudio chin s’ aineddu.
Comente brincu de sa fantasia
gai faghet s’ anzone minoreddu..
sos gosos chi illuminan sa cara
sa cumpartida ‘e die chin Glioglieddu.
Sighit in vida totu .. e totu imparat..
de Bitti apo gosadu ‘e su tenore..
sa belles’ e sas Prennas.. gasi rara..
amigos chie sa boghe chie dutore:
Luiseddu .. Merzioro..e Pittudu
mamentos chi m’ istringhen su core.
Innanti ‘e totu .. in custu m’ isto mudu
de sambene ch’ amus fatu su patu.
Maria Meraculosa a nois de ludu
amigos pro s’ eternu nos at fatu:
Banderas.. vitzechesos ..sos cadderis
Saludo a totu bois .. ca nde so gratu!!.
Iscriviti a:
Commenti sul post (Atom)
Nessun commento:
Posta un commento