“In sardu iscrio, in sa limba imparada dae totu chena mastru in pitzinnia; in conca mia restadu non bi ada ne latina ne ìtala poesia, si in cussas limbas l’ aere ìmpastada mi diant aer nadu chi no est mia. Coment’ isco faeddo.. accolla nada però est cosa mia et non furada” Padre Luca Cubeddu .. dae "sa Cantone de sos sardos"
giovedì 30 aprile 2015
ses tue..
ses tue...
Tue anzonedda ses sa poesia
chi mi sulenat a note e manzanu,
donzi mamentu ses in mente mia
ti porro unu 'asu fetianu.
Ses bella, ses comente una maja
paret ti gita in prammu de manu,
ses cuss’ idea manna de bellesa
chi donz’ amante at in coro presa.
Ses tue puma de diligadesa
chi mi carignat sonnios cadadie,
de tant' in tantu cussa cuntentesa
mi das.. pessende sias aculzu a mie.
Frimmas su tempus, ses sa giovinesa
chena pregunta "ne proit' e .ne chie?",
de cuss' affetu ch' amus intro 'e coro
nde faghes tue arte e su tesoro.
Ses cuss' amore chi est inteligentzia
chi no cumprendet 'ue est mirende,
segas trobeas de onzi rejone
ses tue in vida sentidu e cajone.
Platone a tie ch' at postu in sa mente
..ses tue d'eternidade sa presentzia.
Iscriviti a:
Commenti sul post (Atom)
Nessun commento:
Posta un commento