Idea de bellesa
Cando s’ idea intrat in su coro
e chilcat de coglire sa bellesa,
no b’at preju pro cussu tesoro
ca mente tota a s’aminu l'at presa;
ligada istrinta chin lizos de oro
totu su corpus leat in difesa,
idea !!, chi frommat s' ideale
de unu mundu tou , originale.
Idea !!, tue ses sa libertade
chi mai falat a malos cumprumissos,
“Tra male e bene ischit ischirriare”
a rujos restan sos bisos.remissos.
Est su dilemma de s’eternidade
dubbios mannos intro 'alu fissos:
tra s’interessu luego immediadu
o pro s’ ispiru chi Deus l'at dadu.
Ideas chi illuminan sa mente
chi porrin sos colores a s’artista,
a su poeta sempre l’est presente
traduit in paraulas cussa vista.
Cando tocat su coro de sa zente
s’ idet chi s’idea b’est in pista.
S’ idea de bellesa est eguale
a unu mundu perfetu et ideale.
Nessun commento:
Posta un commento