Fiore de maltu
Su coro in su dolore
paret apoderadu,
si ch’ est in un’ ispidu trafigidu.
Pianghet su fiore
chi s'est mes’ allizadu,
in su balcone morit sedidu.
De su tempus passare
nudda ischit leare,
pro isse totu paret perdidu.
pro isse totu paret perdidu.
No b’at pius disizos
dae s’oziu leat totu sos imbizos.
dae s’oziu leat totu sos imbizos.
Su fiore sedidu
si cheret saludadu,
a manzanu e sero chin calore .
Su coro ch’ at sufridu
si cheret abbadu,
chin afetu e carignos de amore .
Su tempus ch’at a benner
isse chilcat de tenner
cogliende onzi die unu colore.
Pustis su ratu sicu
de fiores brotat meda ricu.
Tue fior’ e maltu
chi pones allegria,
dende a sa campagna bon’ ispera.
Abbaidend’ in altu
semena bona cria,
chi diat bon’ incunzu e fruta vera.
Sias de bonaficu
pro poveru o ricu,
dimoniu che finat in galera.
Enzat cuss’ abbundu
de paghe e de cuncoldia in su mundu.
Nessun commento:
Posta un commento