luna ilgonzosa

luna 'ilgonzosa..

Luna ..chi faghes tue, fazile rima
Chin  verbos e paraulas de fortuna
Leadas  dae su coro  una- una
Pro donare a tie  ammiru e istima
Dea  de  sa bellesa .. che a mancuna
Amante de sa note .. ses in chima
Sulenu  de su cor’ e de s’ anima
Astru lughent' e chelu.. tue luna!!

Totu  t’ an  nadu de cantu ses bella
Pinta totue .. e in  roca isculpida
Ma  ses solu  una  lughe riflessa

D’ ater’ isteddu chi ti faghet fessa.
Cando su sole faghet s’ arveschida
 Ti cuas  ilgonzosa.. a   s’ istella”!!