s' artista

S’ artista

Tue de vida ses penseri e arte

lughe inue bi pasat s’ iscuru,
colores pinghes in totu sas partes
sa fantasia brincat donzi muru.
Non chilcas mai sos giogos de Marte
sonos, cantos, ballos a duru-duru,
vida chi passas gai a cuntemplare
comente menzus la poder amare.

Bides realidades de su mundu:
sos dolos, disisperos, ingiustiscias,
ma finas gasi lu rendes giucundu
ca intro ’e s’ arte tue totu miscias.
Sos elementos ti giran in tundu:
intr’ e a tie totu che  los friscias,
cando nd’ essin a fora dae sa mente
lassas sinnu in terra eternamente.

Bellu bogas su sonu de’ toveddas
si de su musicista as su coro,
li preguntas “proite no faeddas?”
a s' ober' isculpida e fat' in oro.
Sos cantigos a solu o in chedda
de armonia nde faghes tesoro,
totu cust' arte e custa sinfonia
ligas in sa pintura e poesia.

L'ARTISTA

Tu di vita sei pensiero ed arte

luce ove predomina lo scuro,

dipingi colori in ogni parte

la fantasia supera ogni muro.

Non cerchi mai i giochi di Marte

suoni, canti e balli a duru-duru,

la vita passi nel contemplare

come meglio poterla amare.

Osservi le realtà del mondo:

i dolori, disperazioni ed ingiustizie,

ma anche così lo rendi giocondo

perché dentro l’arte tutto mescoli.

Gli elementi ti girano intorno:

e dentro te tutto insieme racchiudi,

quando vengon fuori dalla mente

lasci il segno in terra eternamente.

Bei suoni raccogli nell’udito

se hai del musicista il cuore,

le chiedi “perché non parli?”

all’opera scolpita nell’oro.

I canti solisti o in coro

dell’ armonia ne fanno tesoro,

tutta quest’arte e questa sinfonia

leghi nella pittura e in poesia.