Ettore

Ettore

Iscultas chena connoscher faeddu

Faeddas chena  limba imparada

Mi bides  chena  mi dare mirada

E puru mi  leges in su chelveddu

Su pagu chi mi pedis  tue cateddu

Est  una .. donzi tantu carignada

E tue …  mi la torras donada

Comente  faghet solu unu piseddu

Ettore.. chena lacanas d’ affetu
Ses tue criadura delisciosa
De asos e cuntentu tue mi gosas
Apena m’ ides mi lu das deretu

Gai esseren totu menzus cosas
Chi a s’ indonu non faghen difetu
Comente 'onzi bella criadura

Cheren apen’ e cussider’ e cura
Si m’ ides tristu tue .. istas chietu
Apena rio .. porris asu e posas.