De grascia

De grascia ‘onzi domo siat piena.

Adiosu annu luego ilmentigadu
pagos t’ant a muntenner in su coro..
forsis sa gulpa chi t’ an riselvadu
no est propiu sa tua, ma s’ issoro.
Restat memoria de malefadadu
ch’ at bendidu de vida su tesoro..
sas artes, sas isperas de sa vida
sunt soltas che nie bianca nida.

S’ est beru chi pustis torrat calore
a segus de sa note tempestosa..
iseto chi cust’annu benidore
nde boghet lughe bona dae sa losa.
Chi siat de 'onzi bene trazadore
a chie pius bisonzat sa cosa..
de connoscher sa die mai bida
in paghe e serenu siat cumprida.

S’ isetu no est cussa pretesa
d’ aer su chi disizat sa vista..
nudda chi diat sa vana richesa

a mastru de carriera e arrivista.
Unu pagu de briu a sa carena
de grascia ‘onzi domo siat piena.