Faeddu connotu.
Tantos faeddos e tantos sos usos
Paret unu mannu continente
E puru una sola est sa zente
abboighende contra sos abusos.
De custa terra su cor’ e sa mente
nos narant: “non siedas meda illusos”
d’ aer pro sempre sa domo abitadu
ca peldere si podet .. coidadu.
De dannu podet esser su presumu
d’ aer fatu su garu in custa roca,
s’ ammentu non bi restat isculpidu
si non si contivitzat su sentidu.
Retzida no est grascia chi nos tocat
si faeddu connotu andat in fumu.
Nessun commento:
Posta un commento