arcanu sentimentu
^^^^^^^^
Bella l’ as posta in pedr’ isculpida
sa rima, su dolore e su sentidu..
s’ arcanu sentimentu t’ est bessidu
che sinnu de sa morte e de sa vida.
“Carrale!!” li preguntas s’ atrivida
“Inue cust’ isetu t’ est naschidu?”
Isse , ti narat : “l’ apo remonidu
pro dare a custu mundu una pulida”
“Inue cust’ isetu t’ est naschidu?”
Isse , ti narat : “l’ apo remonidu
pro dare a custu mundu una pulida”
Passat impare
sas oras chin tegus
finas si
meda non l’ as calculadu.
A bias innanti.. ateras in segus
semper presente pèro est bistadu.
Zeltu.. pro pius binchet s’ inzegu
e podet parrer
amigu folzadu.
Isse de beru est su testimonzu
de s’anima.. s’ istima e su bisonzu.
Si chilcat
in mesu ‘e cumpanzia
afetos de poder menzus ligare.
In sos mamentos chi sa maladia
faghent
sentire donzi malistare
Che fogu brujat
in sa bramosia
cando s’ est cumbinadu a s’ amare.
Nde bessit a fora chin disizu
De s’ agonia:
mama..babbu e fizu.
Si bidet in natura et leat bolu
in dies de serenu et
armonia.
Totu bellu paret.. unu cossolu
isterridas d’ arte e poesia
No abbujant burgulas d’ oriolu
sos ojos
e coros de chie si siat.
Lezeru curret in frinas de bentu
leadu dae s’ arcanu sentimentu
Nessun commento:
Posta un commento