Die colorida

Die colorida

Mi paret una die colorida

Ma non resesso a bidere comente
Una frigura istrana m’ est presente
'Alu in disizu .. chi no est naschida
Mi paret una truma sorridente
Chi dae su patimentu nd’ est bessida
Pustis de malas pagas resessida
A narrer “che so eo.. in mesu ’e zente!!”

Franghidebos barones d’ ambiente
Bancheris e burocrates d’ ufisciu
Politigos chena cara dezente

Totu leados dae podere ’e visciu
Chie pro gulpa 'ostra est patende
pascescia tota ch' est cossumende.