Ite ses tue..??
Ite ses tue, amada poesia?
Forzis disizu intro me cuadu
chi dae semper totue chilcaia
e mai apo in vid’ agatadu?
Ses tue in s’aera boghe ‘ia
chi orijas e coro m’ an leadu..
intrende tue, isparin sas peleas
e sambene rubìnu tue mi creas.
T’ apo chilcadu chen’ arte peruna
cando in gianna ’e coro ses intrada,
gai lezera che lughe de luna
intro s’anima ti mi ses pasada.
Paraulas leadas una-una
costumenes paren de cavalcada
de idda mia, comente mancuna
mi dat briu, ispiru e fortuna.
In sos disizos tue ses presente,
mai una ‘ia chi mi lasses solu
siat in terra o bolos frecuentes
mi das s’ispinta e ispico su 'olu.
Ido su mundu e totu sa zente
tot’ impreada , chi mi faghet dolu,
tue invece chi parias morta
mi faghes bider custa die risorta.
Francesco Canova **
Bido chi non sese a su solu
ma gia lu ses bene acumpagniadu
dae sa poesia ses abratzadu
a taulinu non'isco a bolu
non'est bellu esser gai lamentadu
ca d'onzi minutu t' est denne consolu
non ti mustres cun'iss'arrabiadu
ca non tada ancora sulu lassadu.......
ma gia lu ses bene acumpagniadu
dae sa poesia ses abratzadu
a taulinu non'isco a bolu
non'est bellu esser gai lamentadu
ca d'onzi minutu t' est denne consolu
non ti mustres cun'iss'arrabiadu
ca non tada ancora sulu lassadu.......
Lussorio Cambiganu.
^^^^^
Nudda li naro.. e nudda pretenzo
Dae sa noe de sa poesia
Totu su ch’ apo e chi como tenzo
Est de biver chin issa in armonia
Custu est cantu fato e ritenzo
Pro poder narrer chi est finas mia
Cuss’ arte chi mi faghet giumpare
Paris: sos montes.. sas baddes e su mare.
Nudda li naro.. e nudda pretenzo
Dae sa noe de sa poesia
Totu su ch’ apo e chi como tenzo
Est de biver chin issa in armonia
Custu est cantu fato e ritenzo
Pro poder narrer chi est finas mia
Cuss’ arte chi mi faghet giumpare
Paris: sos montes.. sas baddes e su mare.
Nessun commento:
Posta un commento