Pellizzas

Sas pellizas

Simula ‘ona chin abba e sale ebbia,
sueta meda chin folza et allegria
agiunta punzu ‘e sale in sa labia.
...
cando su bullu paret che ou in fria,
mi ponzo in sos suilcos s’impastu
ca’ finas su suore est bona cria,

Comintzo a pitzigare chen’ arrastu
che l’ eto chin ardore e chin lestresa
gito como bratzu duru che  crastu.

Sa ricupessa est manna e bene resa.
Intantu leo sa bagna apena fata
chin d’una taza ’e binu pro s’atesa,

De peta 'e cazza e bona  pumata:
che ponzo totu cantu in s’ajonedda.
in finis  ’eto casu a rata rata.

Est totu cantu prontu in ramanedda,
ponimus s’ armonia e s’ apetitu
bufende chin saludu e vida meda.