Ite bi restat..?
Ite bi restat de
annos colados?
Ammentos, de
un’ idea finida,
pro cantu podiat
esser pispinida
como ch’
essin a fora coidados.
Est gai su
misteriu de sa vida,
annos chi
passan ..si che sun bolados
a palas los
gighimus 'oltados
chena nd’ aer apidu
s’ischida.
A tie però naro
ses servida
pro mi fagher tocare
sos sentidos:
bonos e malos
los apo connoschìdos,
cando currende sempre
t’ apo sighida.
A bias
tocad’ apo bellos lidos
‘ue bene
s’idea m’est bessida,
ateras bòltas
che l' apo iscanida:
annos
chi posca d’issa sun bestidos.
Bi restat su petalu chi nd’ est rutu
De sa pianta .. su menzus fiore,
cussu bramadu
birde de colore
d’ ispera chi
m’at dadu menzus frutu.
No b’at duda
chi menzus sentore
dae cando
late ‘e mama l’apo sutu,
sa vida ,
siat in gosu o in corrutu
restat
bella.. si cumbinat s’amore.
Nessun commento:
Posta un commento