Unu re. ( soberania)

Unu re. ( soberania)

S’ abbaido sas costas de su mare
chi tancan totu canta sa Sardigna
mi torrat sa ‘ oz’ e la pessare
chin fantasia e su coro mi signat.
Tota la tia cherrer abbrazare
comente a sa vista chi m' impignat
e narrer “mama bella affetuosa,
tenedi contu e semper briosa”.

Pustis che pigo subr' e altas chimas
de montes chi coronan sa campagna
dae Gennargentu a su monte Linas
birde in beranu.. grogu in sa sicagna.
Colores de pinturas mai bidas
de terra chi podet esser cucagna
pro populu ch’ at apidu fortuna
gai singulare.. non nd’ inzeltat una.

Cantu issa est bell’ e generosa
no ischit comente lu donare..
In fromma de alas vitoriosa

o puru a s’ istranzu cussignare.

Est duda chi muntenet pro se
dadu chi non che naschet unu re.