Barantatres banderas

Barantatres banderas

Finas ocannu tucan dae Patada
Pro isolver su votu chi an fatu
A passu allegru faghen sa falada
Chi sighit semper su mantessi tratu
Dae su sero prima in cavalcada
Sighin cussu caminu pro su patu
‘eretu tra Bitti e sos de bidda
Passende in sas serras de Osidda.

Cando .. a lughes noas su manzanu
S’ aparit cussa pius luminosa
Barantatres banderas a sa manu
Donan a Maria Meraculosa
Est tando chi sonat in su pianu
Sa sinfonia d’ amore pius donosa
Totu si pianat .. chin Maria in testa
Sa bidda ‘e Bitti.. cominzat sa festa.