comare

comare

“Comà ..  bidà mi l’azis sa pudda?

 a domo non torrat custu manzanu

intesa l’apo  deris.. oe nudda..

niune l’at bida in s’ ighinadu”

“Comà .. inoghe non che passat tudda

Siat in giaru che in su cuadu

Chi eo  non bida e  no intenda

Ma  nudda isco de custa vicenda.”

“Comà.. nademi tando unu pagu:

it’ est chi  b’at intro crachidende?

 Già recuidu est compare  Jagu

E  s’ ou dae peltusu nd’ est fatende?”

“nono est  sa machina chin s’agu

Chi pannos de a isse sun cosende

Pro cantu su frustanu nd’est tostu

Paret chi siat presente in su postu”

“impita tando sa sula chin pighe

Comente siat de pes su cosinzu

Tuddas impita.. e pustis lu gighes

A  giaru ‘e sa chima in sant’ Ainzu”

“Comà..  abberu naras o mi finghes

Su nadu non cumprendo ..nen su pinzu

Forsis.. su ch’ apo nadu m’as ispotzu

M’ imbias subr’ e su nodu 'e su rellotzu?”

“Pro cantu ti sia car’ e bighina

Tue mi cheres ‘alu coglionare

Compare Jagu m’at fatu moina

Cantu  poder  tue pudda  cuare

De issa tue nde faghes coghina

Ca  pessas  oe de t’ ilfamigare

Ma  .. si  sa mata  pienadu t’ as

No as pessadu a s’ ou de cras”