Mama..

Mama

No isco si so prontu a ti  rimare

in versos chi non ti torran su dadu..

proende  a bogare dae cuadu

su verbu chi declinat  “amare”.

Non bastat sole..luna e su mare

sa terra.. chelu e donzi  siddadu..

sas lagrimas chi apo lutiadu

pro ti poder  a tie tantu dare.

In coro tenzo  totu  cantu  as nadu

ch’ as fatu.. e chi m’as  ben’ imprimidu:

faeddu.. su perdonu e su sentidu

sa fide a su Segnore ‘e su criadu.

Ammento  chi a dimanda.. m’as nadu:

“poveru menzus de mal’ irrichidu”.

M’ intras in sa carena solu tue

inue non passat abba .. e nen nue.

Est beru..  totu torrat  in sa vida

su  tempus  inghiriat e torrat frimmu..

e tando de  a tie  lughet su sinnu

de contos  chi m’as fatu a s’ arveschida.

Milla ! sa poesia   est bessida

de fizzu sempr’ atesu e pagu dinnu..

Mama.. leami torra in bratzu

s'  imbiligu siat torra s’ allatzu.

Mamma  (trad. it)

Non so se son pronto a rimare

In versi ..che non rendono  il ricevuto

Provando a  togliere dal nascosto

Il verbo che declina “amare”

Non basta il sole.. luna ed il mare

La terra.. cielo e  ogni tesoro nascosto..

Le lacrime che ho versato

Per poterti  rendere tanto.

Nel cuore tengo quanto hai detto..

Fatto.. e che mi hai ben conferito:

la lingua sarda.. il perdono ed il sentimento

la fede nel Signore del creato.

Ricordo che alla mia domanda.. hai risposto:

“meglio povero.. che  ricco disonesto”

Mi entri nel corpo solo tu

‘ove non s’ infiltra l’ acqua e non passa la nuvola.

E’ vero.. tutto torna nella vita

Il tempo gira e si ferma

Dunque di te  ..  luccica il senno

Dei racconti che mi facevi all’ alba.

Ecco! La poesia è nata

Da un figlio sempre lontano.. e poco degno.

Mamma.. prendimi ancora in braccio

E l’ ombelico sia nuovamente  l’ allaccio.