arrejonu francu

arrejonu francu

Pro poder narrer cantu apo bidu
Nde bogo dae calasciu custu pinzu
Faeddu c’ apo gitu remonidu
Comente su cumbentu ‘e santu ‘Ainzu
L’ impito che a rosa o ispidu
Segundu si b’at prata o ruinzu
Non isco de custos.. it’est su cale
A bias luti’ e mele o punzu ‘e sale.

Si bella mi la porrit sa natura
La pingo coment’ est realidade
Gai.. che abba frisca totu curat
Anneos .. odiu boltan piedade
S’ idea bona chi mai si furat
Chilcat de andare in libertade
Luego si agatat cumpanzia
Sas alas ponet e che bolat bia

S’ intendet in s’aera calchi tunciu
Remonit dae su logu su disturbu
Mai si podet narrer ch’ est furunciu
O puru ch’ essit calchi verbu burbu
Est solu de cuss’ anima s’ annunciu
Chi est criadura ma non furbu
De vida e de pustis est chilchende
Fiore alu cuadu ch’ est brotende