bisos
Cussu calore umanu e su sorrisu
Est cantu pius ti podet donare
Finas su nie ti cheret festare
In moddes carignos de acisu
Paret chi siat atesu paradisu
Cando in terra si podet tocare
Bastat sa vida de cherrer amare
E totu bessit fora dae su bisu
Su tempus cando torrat alleadu
Si mustrat in bellesa de natura
Cussa a giaru.. atera cuadu
Muntenet chie nd’ at fatu architetura
Su Mastru generosu ‘e su criadu
Nos dat pro la muntenner in cura
Chie mustrat d’ esser riconnoschente
Bidet giar’ e cuadu eternamente.
Nessun commento:
Posta un commento