Rosariu 'e paghe

ROSARIU ‘E PAGHE

Pregadoria ‘e su cominzu

Oh Babbu Celestiale!!..
chi ti creo donosu..
e chi ses Babbu ‘e totu sa zente
pro esser uguale
e no esser belosu.
A Fizu Tou as mandadu presente.
Pr’ ochire donzi male
E sa paghe cabale
Torrare in terra e donzi continente-
Dadu chi bonu prou
At fatu totu frades ‘e fizu tou

Como cussu ischende
Mi benit pius a dolu
De bider derutas domos e paghe
Cant’ istamus preghende
Pro sa pagh’ e non solu
Su cor’ abbelt’ e nebidu che ambaghe
Pro Tue las azzetare
E poder atuare
Cantu pedimus a s’ animu nos faghe
Pagh’ a familia mea
A cheja .. e totu sa terra intrea

Oh Babbu Soberanu!!
Munteneche atesu
Sa frommas de ‘onzi confusione
De sa paghe su ranu
in gosu siat ripresu
chin Tegus umana conciliatzione
lu pedimus a Tie
preghende cadadie
impare chin Maria in comunione
sa mama ‘e Fizu Tou
Reina ‘e paghe .. e amen dae nou.

 Primu misteriu gaudiosu:

 s’ annuntziu de s’ Anghelu a Maria Virzine e  leat dae Issa su “eja”  liberu intreu e  de gosu.

Segnore:

.. de sa zustiscia   vena

Cominzu d’ onzi cosa

As batidu  sa noa  de  su cuncordu

Chena males e pena

In sa vida diciosa

Inter  chelus e terra  cuss’  acordu

Abberi  ment’ e coro

E voluntade issoro

Non  siat  leada  solu  dae  s’ ingordu

Faghe chi binchidore

Contra su male siat semper s’ amore

Unu Babbu nostru ..  5/10 Ave Maria... Gloria (cantadu)... Gesùs meus...

Segundu misteriu gaudiosu:

 sa Virzine Maria faghet  sa visita coidada e  donosa a sa sorrastra Elisabeta  isetende chi fatat naschere a Giuanne su Batista.

Babbu:

..su  santu..fizu tou

in rughe si ch’ est mortu

pro gulpa  ‘e s’umanu  pecadu

de su sambene sou

pienadu nd’ at s’ ortu

perdonu e paghe in coro semenadu

su samben’ innozente

in gherra de sa zente

non lasses  Tue chena iscultadu

sa lugh’ e domo Tua

abberi   s’ aidu  in gherra  pro sa fua

Unu Babbu nostru ..  5/10 Ave Maria... Gloria (cantadu)... Gesùs meus...

Terzu misteriu gaudiosu:

 Sa Virzine Maria Sanctissima pro obera ‘e s’ Ispideru Santu  donat a su mundu Jesu Cristu.. su fizzu  solu de su Babbu.. sa paraula fata  carre..  su Salvadore. Su Nadale  cumbinat in d’ una gruta de pastores in Betlemme suta  su contivizzu   de Zuseppe… maridu de Maria.

Deus:

…de babbos nostros..  Babbu

chin  Cristos fizzu tou

paghe donas  aculzu e atesu

isculta chen’ agabbu

sa cheja dae nou

ti  supricat… chin Maria pelmesu 

donz’ arma siat chita

libera dae vindita

fusile  pro amore siat azesu

soldados de sa terra

pro paghe  solu si fatat sa gherra.

Unu Babbu nostru ..  5/10 Ave Maria... Gloria (cantadu)... Gesùs meus...

Cuartu misteriu gaudiosu:

sa Mama Maria e su  Babbu  de s’ amina Zusepe ..copia  santa.. presentana sa Criadura Jesus a su  tempiu. Maria  sighit sa lege de sa purificascione.. finas si fit Binnida e Garriga ‘e Grascia  pro  mandare sa paraula in cumprimentu: “Cando   benzeit  su columu de su tempus.. Deus imbieit su Fizzu.. naschidu dae femina.. naschidu suta a lege.. pro   riscatare cussos chi fin sut’ a lege.. pro poder rezire  s’ adozione de fizos. 

Babbu:

in tempos violentos

de sa  cheja s’ imploru

orante chin Maria.. cogli Tue

de su male sos bentos

frimmalos in donz’ oru

guvernos sian cuncoldos totue

s’ amore e sa paghe

ligados a tenaghe

annunzien  fin’ e gherra inogh’ e cue

sas armas a sa nuda

canten  vitoria  in sa gherra   muda.

Unu Babbu nostru ..  5/10 Ave Maria... Gloria (cantadu)... Gesùs meus...

Cuintu Misteriu gaudiosu:

 Jesu Cristu agatadu in su tempiu inter sos dutores.. mentrs.. sezidu in mesu.. los iscultaiat e los interrogaiat. Jesu.. sam paraula  luminosa de su Babbu.. su Mastru ‘e vida. “isbarchende.. bideit maiganta zente e si cummoveit pro issos.. ca fin comente berveghes chena pastore.. e si ponzeit a insinzare a issos maigantas cosas”

Babbu

Chi ses de vid’ amante

In sa resurrezione

De Jesus fizzu  ..  mundu as rinnovadu

De paghe  tue ses dante

Chin  sa cumpassione

Isperias   su  mundu triuladu

De chelu criaduras

Su  mar’ e terra puras

Remoni  totu su chi as criadu

Pelmesu de Maria

Faghe chi   gosu e paghe torret bia.

Maria.. Reina de sa paghe.. pone sa paghe intro ‘e coros nostros e in su mundu intreu!

Maria.. prega pro sa salude de totu sos malaidos

Maria.. Mama ‘e sa Grascia Divina.. prega pro totu s’ umanidade..

Salve Reina.. pro su Paba: Pater. Ave.. Gloria…

Invocascione:

Cristos..manda a totu sos populos sos imbiados tuos e nunziadores de paghe! A Tie sa gloria e s’ amore in sos seculos.

Pregadoria  pro sa paghe

Misericordiosu

Oh! Babbu Soberanu

Dona sa paghe a totu su mundu

Tue chi ses donosu

Porri sempre  sa manu

A chie tribulos chingian in tundu

Sas grascias sian presentes

In totu sos potentes

Ischidande-los dae sonnu profundu

Non s’ idat  s’ iscalmentu

Ruinas .. morte  de cuss’ armamentu.

Deus nostru Segnore.

Misericordiosa

Pone sa manu  subra  ‘e disisperu

De ‘onzi fromm’ e dolore

E de vid’ odiosa

Ca falzu li naran a postu ‘e beru

Pro gulpa de sos lutos

dae muros derutos

Miseria  e  peleas  lassan su seru

Misericordiosu

Sana .. dona s’ amore e su gosu.

Amen.

Segnore.. faghe de me unu pinzu pro sa paghe.

Inue b’ at odiu.. chi eo gita amore.

Inue b’at ofesa.. chie eo gita perdonu.

Inue b’ at disamistade.. eo che gita amistade.

Inue b’ est sa neghe..  eo che gita sa veridade.

Inue b’ est sa duda.. eo che gita sa fide.

Inue b’ est su disisperu.. eo che gita s’ ispera.

Inue b’at tristura.. che gita  s’ allegria.

Inue b’est su buju.. che gita sa lughe.

O Mastru Divinu chi eo non chilche meda de esser cossoladu.. ma de poder cossolare.. De essere amadu.. ma de amare. Dadu chi est dende chi si rezit.. ilmentighendesi de nois e totu est chi s’ agatat  cumprendimentu.. perdonende chi si benit perdonadu..morzende chi si resuscitat  in vida eterna. 

Amen.