semus amantiosos.. non poeta

Semus amantiosos..non poeta

Sas musas de una ‘ia
Passadas in corrutu
In fatu de su mortu 'e sepultare
Atitan poesia:
“ruta ch’ est in su putu
Chilchende sa luna de nde piscare
Ma canta vana gloria
Chi passat a s’ istoria
Tantu pro narrer chi cheret bistare
Chie cheret fagher cosa
Lu fatat a maner’ amantiosa.

Non bi cheret pelmissu
pro los fagher bessire
sos versos liberados dae trobea
comente crocifissu
de sa rughe patire
in chelu pustis sezit in cadrea
pro tota sa pascescia
Deus l’ at in cuscescia
Mudendeli in gosu sa pelea
mai s’ est fat ofesu
d’ esser umiliadu e vilipesu

sas musas annicadas
sighin chin s’ atitada:
“semen’ e arte nobile morzende”
Ca si cheren cantadas
Bon’ e malefadadas
Chen’ aer manc’ alenu respirende
Si bi mancat s’ ispiru
Est oper’ e ragiru
Est muru chi nde ruet sulende
Chena peruna preta
Semus amantiosos.. non poeta.