Babbos

Babbos

…. sun  penseris a cumone

chi bessin  donzi die dae nou

comente  su respiru  in bonu prou

ch’ abberit in  petorras su prumone.

….. sun  diligos che cussos lamentos

chi ‘essin  dae  terra  chena  s‘iru,

pedende abba impare a su respiru

chi aganzat  e  leat a manu tentos.

Sos babbos .. sun  sos  fraziles isetos

chi chilcan de poder  fiorire,

in mesu ‘e campu ‘ogadu a beranile

‘ue finas sos corvos sun chietos.

Issos  lean   amore a su  cua

a  coro lu  ligan  a  filuferru,

comente cuss’eddia de s’ijerru

 solvet  cando  tempus l’ajuat.