s' eclipse

S’ eclipse

Su sole bido asende sa luna
su sero a sa prima intirinada
iss’ est chin sa cara irrujada 
Selene non at ilgonza peruna.
Sos fatos chi movent sa fortuna
De chie faghet sa prim’ azardada
Chilchende sa bellesa in chie l’ ada
E coglit intr’ e coro tot’ in una.

Frigura de mama illiorada
At dadu frutu bonu e prelibadu
Su menzus chi bessit dae pintura
De ‘asu chi pariat leadu a fura
Est tando chi sa luna l’ at nadu:
“sa vida tue m’as illuminada”