Sa chida santa
1. Dae cando Cristos est pigadu in chelu
lassadu at in terra unu caminu,
iscritu l’an pro nois in evanzeliu
sos bator santos chi moven su sinu.
Giuanne e Luca impare chin Marcu
an cumpletadu s’oper’ e Matteu,
postos impare poi a bisu meu
de vida nostra an insinzidu s’arcu.
2. Lu naran issos che contos de mamma
chi su Messia a cadd’ e s’aineddu,
in di’ e oe, dominiga ‘e pramma
intradu est che lughe 'e isteddu.
Dae Galilea, Giudea e Samaria
totu bennidos a Gerusalemme,
pro bider de sa lughe s’istemme
et adorare su fizu de Maria.
3. Poi ‘e festas allegras, in banca
aparizadu an una santa chena,
ses a dresta sos ateros a manca
gighian de fide sa conca piena.
Cando però los at cunfruntados
a veridade de su pensamentu,
lis at nadu de su traighimentu
de un’ e issos doighi contados.
4. No bi creian e l’an postu dimanda
de chie fit, restadu est sa muda,
ischimus como chi cando fit in randa
'asadu l’at su discepulu Giuda.
Pro umilesa chena nd’ aer bisonzu
at pulid’ a totu duos pes,
a Simone nde l’at contadu tres
de traighimentos a manzanu chitonzu.
5. Acumpanzadu a sa cort ‘e Pilatu
sos fariseos impare a sos soldados,
pro giudicare unu falzu reatu
nachi fit re de totu sos umanos.
A sa dimanda rispostu at invanu
ischirriende tra Isse e Barabba,
at pedidu un’ istelz ‘e abba
et si nd’ at samunadu sa manu.
6. De chenabura restat su misteriu:
“proite tue Gesus nos as dadu,
sa vida tua chi fit diciosa abberu
e sa nostra currumpida ‘e pecadu?”
Trazendeche sa rughe in sa pigada
t’ana feridu chin armas ‘e carascios,
tue non pijas a sos istintos bascios
mancu chin carre a peta ‘ia bogada.
7. In punta ‘e su calvariu ti ch’an postu
in mes’ e duos mischinos ladrones,
in conca maja 'e ispinas t’an impostu.
ilfelchendedi in rughe chin punzones.
Cand’ as pedidu de abba su disizu
rezidu as una tazza ’e aghedu,
e mancu custu t’est istadu ‘e impediu
de aer leadu a Deus in assimizzu.
8. Chena lamentu mancu a s’istocada
de su fante romanu chin s’ispidu,
totu s’umana zente peldonada
l’as .. pro pecados fatos e ch’ as bidu .
Mama tua santissima Maria
chin coro istraziadu pro su Fizu,
a Madalena su Golgota in pizu
pro piangher a Tie mandaiat.
9. A Babbu Tou e de s’umana zente
as suplicadu solu pro un’ istante,
cando su sidis e su sole caente
paret chi cherveddu t’iscantet.
Poi pessende a sa diciosa sorte
totu ti passat, totu as peldonadu,
finas su male origin ‘e pecadu
as gancelladu andende fat’ a morte.
10. A tantas penitenzias passadas
s’illuminat su chelu pro a Tie,
ti piangen sas tres malefadadas
giudeos e romanos rie rie.
Sa piedade in biancu letolu
ti coberit sos melmos flagellados,
pustis in una cascia sizillados
in sepulcru ti ch' ana postu solu.
11. Su sapadu tra laos e piantos
restat sa die ancora pius trista,
ca misera de sonos e cantos
chigulas e matraculas si pistan.
Amus traitu sa paraula dada
a chie pro nois faladu dae chelu,
ma comente iscritu in evanzeliu
in gloria c’at finidu sa chidada.
12. Su romanu innanti a cussa gruta
ispantu de meraculu cumpridu,
cando est intradu a cumpudare suta
su Cristos in sa tumba no at bidu.
Abbistu s’est de cussa pedra lasca
alcende ojos a una lughe forte,
cumprendet chi in vida dae sa morte
si torrat tot’ impare in die de Pasca.
1. Dae cando Cristos est pigadu in chelu
lassadu at in terra unu caminu,
iscritu l’an pro nois in evanzeliu
sos bator santos chi moven su sinu.
Giuanne e Luca impare chin Marcu
an cumpletadu s’oper’ e Matteu,
postos impare poi a bisu meu
de vida nostra an insinzidu s’arcu.
2. Lu naran issos che contos de mamma
chi su Messia a cadd’ e s’aineddu,
in di’ e oe, dominiga ‘e pramma
intradu est che lughe 'e isteddu.
Dae Galilea, Giudea e Samaria
totu bennidos a Gerusalemme,
pro bider de sa lughe s’istemme
et adorare su fizu de Maria.
3. Poi ‘e festas allegras, in banca
aparizadu an una santa chena,
ses a dresta sos ateros a manca
gighian de fide sa conca piena.
Cando però los at cunfruntados
a veridade de su pensamentu,
lis at nadu de su traighimentu
de un’ e issos doighi contados.
4. No bi creian e l’an postu dimanda
de chie fit, restadu est sa muda,
ischimus como chi cando fit in randa
'asadu l’at su discepulu Giuda.
Pro umilesa chena nd’ aer bisonzu
at pulid’ a totu duos pes,
a Simone nde l’at contadu tres
de traighimentos a manzanu chitonzu.
5. Acumpanzadu a sa cort ‘e Pilatu
sos fariseos impare a sos soldados,
pro giudicare unu falzu reatu
nachi fit re de totu sos umanos.
A sa dimanda rispostu at invanu
ischirriende tra Isse e Barabba,
at pedidu un’ istelz ‘e abba
et si nd’ at samunadu sa manu.
6. De chenabura restat su misteriu:
“proite tue Gesus nos as dadu,
sa vida tua chi fit diciosa abberu
e sa nostra currumpida ‘e pecadu?”
Trazendeche sa rughe in sa pigada
t’ana feridu chin armas ‘e carascios,
tue non pijas a sos istintos bascios
mancu chin carre a peta ‘ia bogada.
7. In punta ‘e su calvariu ti ch’an postu
in mes’ e duos mischinos ladrones,
in conca maja 'e ispinas t’an impostu.
ilfelchendedi in rughe chin punzones.
Cand’ as pedidu de abba su disizu
rezidu as una tazza ’e aghedu,
e mancu custu t’est istadu ‘e impediu
de aer leadu a Deus in assimizzu.
8. Chena lamentu mancu a s’istocada
de su fante romanu chin s’ispidu,
totu s’umana zente peldonada
l’as .. pro pecados fatos e ch’ as bidu .
Mama tua santissima Maria
chin coro istraziadu pro su Fizu,
a Madalena su Golgota in pizu
pro piangher a Tie mandaiat.
9. A Babbu Tou e de s’umana zente
as suplicadu solu pro un’ istante,
cando su sidis e su sole caente
paret chi cherveddu t’iscantet.
Poi pessende a sa diciosa sorte
totu ti passat, totu as peldonadu,
finas su male origin ‘e pecadu
as gancelladu andende fat’ a morte.
10. A tantas penitenzias passadas
s’illuminat su chelu pro a Tie,
ti piangen sas tres malefadadas
giudeos e romanos rie rie.
Sa piedade in biancu letolu
ti coberit sos melmos flagellados,
pustis in una cascia sizillados
in sepulcru ti ch' ana postu solu.
11. Su sapadu tra laos e piantos
restat sa die ancora pius trista,
ca misera de sonos e cantos
chigulas e matraculas si pistan.
Amus traitu sa paraula dada
a chie pro nois faladu dae chelu,
ma comente iscritu in evanzeliu
in gloria c’at finidu sa chidada.
12. Su romanu innanti a cussa gruta
ispantu de meraculu cumpridu,
cando est intradu a cumpudare suta
su Cristos in sa tumba no at bidu.
Abbistu s’est de cussa pedra lasca
alcende ojos a una lughe forte,
cumprendet chi in vida dae sa morte
si torrat tot’ impare in die de Pasca.
Nessun commento:
Posta un commento