sa cara 'e Cristos (bassorilievo su legno di Antonino Ruggeri scultore)

sa cara 'e Cristos (bassorilievo su legno di Antonino Ruggeri scultore)

Sa cara totu canta peleada
S’ istampat in abbeltas de s’ aera
Su tempus e su logu de onz’ era
In sinnu de perdonu l’at leada
Chie non l’ at connota ne pregada
No ischit it’ est sa vida vera
Pessat chi totu passet a sa sera
Sa die.. chin su tribul’ afogada

Isperas de mezoru non bi nd’ ada
Pessende de biver comente fera
‘ue sa forza bruta sol’ imperat
E sa paraula mala restat nada
Si forza de sa fide s’ est marrada
S’ anima puru si solvet che chera
Sa cara restat solu una bisera
De boidu fungutu zavorrada