mai cuntentu

mai cuntentu

^^^^^^^
E cando mai s’ omin’ est cuntentu?
Sempre bogat unu motivu ‘e lagna
Irrocos betat a su primu bentu
Lamentat s’ asciutu :” ite sicagna”
s’ abba leat comente trummentu
su sole li faghet benner sa cagna
unica bera boghe de rejone
est custu mudare de istajone.

^^^^^
Pintore no est custu su lutu
Chi ponet su mundu in anneu
Ma s’ omine est a bisu meu
Chi non seberat su bonu frutu
Comente su late chi amus sutu
li namus chi de sorte nd’ est su reu
finas cando pro fortuna intreu
nos lassat ispantados a sustu