Mama nostra de Bonaria

Mama nostra  de Bonaria


Bonaria, chi abbaidas  s’ Argentina,
dende sas palas a s’aria levantina,
regnas subra ‘e su montiju anticu.
essende in armonia chin su Sicu.

Mama nostra b’at postu sa dimora,
reparu zeltu at dadu a donzi ora
pro s’isventura de cussos marinajos, 
ch' ant aprodadu in terra 'e casteddajos.

Como ses tue sa rejna santa,
pro nois ispera allegra, tota canta,
amparadora de tota sa Sardigna
finas si de a tie no est digna.

Ajua totu sos abbisonzados,
teneche atesu dae nois sos pecados,
muntene folte in nois sa fide
abberi ojos a chie meda non bidet.

Bijone intendo de anima e  coro
richesa bera, zeltu non chei s’oro,
pro su bisonzu est santu e beneitu,
chena rejone non b'at perunu aficu. 

Pregadorias pro te no bastan mai,
pro sas anzones chi curren arguai,
A sa Sardigna e chie bi ponet passu
daeli folza e fide in d’onzi zassu.