animu rebelle

animu rebelle                                    

In d’una istanziedda remonida

parent chi bi ballent sas fadas,

bi 'olant penseris a mancu ‘e alas,

lezeros sunt,.. isperiant sa vida.

S’intras a cue, s’ojada poi falas

a un’ ijone galana e fiorida,

 leat su coro apena  l'as bida

comente  su chi tenes e  amas.

Est una prenda chi 'ides e bramas

che poesia cando est finida,

tue non la tocas ..e chin ispantu miras.

Custa pintura  leada dae chelu,

impare a sa cornice indeorada,

in cumpanzia l’amus apretziada

.. est s’animu rebelle de Anghelu.

Impoltu ‘e leiscione a nois dada

de folza ‘e sa mente e mannu zelu,

nudda la cuat, ne caratza nen telu,

est sa folza ‘e ispiritu agatada.

Rebelle dae sa sorte triulada,

de sas peleas tue faghes sulenu

e das curagiu finas a chie non l’ ada.

Totu nos gighes che turtures canas,

nos aproendas de sabia currente,

isfriscas intro ‘e nois coro e mente,

non b’at logu pro malas intragnas.

Tue ses tue, finas si ses zente,

de cussu istadu chi pagu ti  lagnas,

anzis lu boltas, che su ‘entu in cannas

rendende su saludu indetziente.

Passas sa vida siat frita che caente,

la leas gai, chena pessare a lanas

e solu  lughe  bides  como presente.