sos ojos tuos

SOS OJOS TUOS 

Sos ojos tuos

Sos ojos tuos sun chei  su ‘entu
mi faghen bolare che astore,.
de sas rimas mias sun sermentu.

ei sas alas pumas de amore.
Su 'olu a bias lentu, ateras lestru,
fatende tundos mannos che pintore;
de una pintura chi tue ses maestru,
mi faghet afrontare che Ulisse
sas lacanas chi mi frimman s’estru.
Como chi ponzo mente a tie e isse
nd’eto sos muros fatos pro intopu
pro cantu su zimentu chi lu fisset,
fato brincare su mac' e su topu.
Bos cherzo gighere a su cussideru
a paga dose, nen pagu ne tropu,
de lassare su falzu pro su ‘eru,
pro dignidade ‘e una vida sana
s’ipocrisia ponide in disisperu.
No est comente regonta bi l’ana,
fatende sun totu in cumpantzia
toltos e sabios sonan sa campana,
zocan impare sonu ‘e agonia,
musica mala leada a su revessu;
connosco totu dae sa pitzinnia..
A ojos tuos a mancu ‘e interessu,
lis cherzo dare lughe, su chi poto
de vida bella e fata a bonu 'essu..
Su chi biv’ onzi die como annoto,
non lasso nudda ‘e tempos passados
no m’interessat de bincher’  su loto,
ne iscoberrer antigos siddados.
Su chi disizo e  como pretenzo,
est de istare in postos solianos,
inue artes bonas como tenzo,
pro poder istare in libertade,
in piaghere ‘e vida chi b’avantzo,
In cust’ argumentare bois mi nades:

“ma ses sanu o ses macu abberu,

a pius de chimbant’annos d’edade,
'oltulas cosas mannas pro interu,
chena pessare dae oe a crasa
ne ponner conca , chena cussideru?”.
Non chirco mai chie in paghe pasat
ne chie no at chin megus allazzu,
ma si a mie sa pascescia proàsa,
m’annico meda e ti fato  a mazzu.
In paghe bivan de idda e istranzu,
chi campen  bene e chena imbarazzu.
Pro ojos tuos, .chi sun chena bisonzu
promito ‘e dare totu a tie ‘e a mie
virtude zelta e chin bestire conzu.
Bi so pessende sia note  che die,
cal’ est su piaghere in vida nostra
una dimanda chena perché ne chie,
la gito innoghe fatendemi a prosta.
Ma como apo disizu totu in d’unu
nd’ istacco dae sos muros sa crosta,
no bi nd’at ne pro santos ne neunu
passo in subra ‘e trunco sa trobea
finas si naran sas regulas sunu ,
e no!! belleddos custa est pelea

sa trava est ..ligada male puru
pro poder bois istare a lea lea.
Nd’ istacco como biculos de muru
e pesso sian cosas de sighire
mancari siat pius tostu che duru.
Impare a Pirandello in s’inzichire,
eternu Dante contra a su futi futi
a Ulisse at dadu  boghe e sa  presenza:
“”fati non foste per viver come bruti
ma per seguire virtute e canoscenza.””
S’ ido chin ojos tuos nudda m’ abbrutit