Saludu e vida

Saludu e vida

de sambene restat su coloridu
ca Gesus gai l’at paragonadu
difatis in sa missa est cunsagradu
comente siat dae Corpus bessidu
su vate apenas l’ at nuscadu
de versos solianos l’ at bestidu
Inie totu che paret finidu
su sole, terra e donzi criadu

binu..!! lutias alu de suore
d’ isetos e de nues tempestosas
in mesa, solu cando ses presente

b’at paghe e cuncoldia tra sa zente
saludu !! chena falzu, e mancu prosas
in laras.. chel’ e ‘ucca.. su sabore.