s' istrage de Bologna

S’ istrage de Bologna

Su duos de austu de s’ otanta
sas deghe e vintighimbe de manzanu..
rellozu chi si frimmat e s’ incantat
a sa premìda de sa vile manu.
Canta miseria e miseria canta
Abbunzat s’ intelletu umanu
pro fagher de male religione
sa die de Bologna istazione.

Ma oe.. chie curret a s’ invitu?
Forsis su penseri ‘e s’ assassinu.
O puru cuss’ idea malenada

de gherra fata e non declarada?.

Mi torrat su lamentu ‘e su bambinu
ch’ est mortu .. cando a trenu fit apitu.