Ammentos de su Cossolu. (foto del social group "ammentos de Orune")
A bogh’ e note t’ ap’ idu cantende
Cando fis manna et eo minore
Impare chin su cant’ e su pastore
In sa piata totu fin ballende
Sa prima ‘oghe de cussu tenore
M’ est ‘alu nota e la so chilchende
De su Cossolu mi so ammentende
fis tue fiama de lugh’ e calore.
De poesia nde faghes unore
Cando l’ isterres a sa moda tua
Chin determinu la pesas a chelu
Pedende alas e pum’ e anghelu
'Onzi malesa su cantu che cuat
Boghe d’ Orune ch’ essit dae core.
Dae Nunnale a su Redentore
‘etas su ponte subra de Marreri
Gai sa contra, basciu e mesaoghe
L’ intendo dae Orune a innoghe
Bella in bidda e logu furisteri
Siat in cantu tristu o de amore.
Nessun commento:
Posta un commento