Sa vindita.
Pedo a tie.. ‘su chi mai niune
apo pedidu, mancu in su bisonzu:
“narami si su nodu in una fune
si podet pustis bider isconzu?”
Finas sas balentias de Orune
non semenan pius nou s’ aronzu.
Tando disizu meu de ischire.
Est: “ omine si podet pentire?”.
Su codice famadu de Pigliaru
de sa Barbagia funte de diritu,
zente chin zelu e valore jaru
pro cantu no s’ agatet un’ iscritu.
Ladinas sas ideas e s’ imbaru
‘ue giustiscia no istat apitu,
Narami : “cantu si podet sighire,
de torrare a paris .. su ferire?”.
Sa lege como la ponet iscrita
nende chi est sinnu e ziviltade.
Innanti fit connota e rispetada
“oju chin dente fit sa numenada.”
Narami tue .. “it’ est in veridade..
Cant’ est de malu o bonu sa vindita?”
Nessun commento:
Posta un commento