in ammentu de Gianluca de Orune..

in ammentu de Gianluca de Orune..

a tie ch' as connotu su manzanu
e mai as a bider custu sero
ti prego .. che umile cristianu
"perdona e su male torra a zero"
a totu dae una istrinta 'e manu
pro paghe chi benzat.. eo ispero
ajua .. at Orune dae altu..
ispinghela in cussu mannu saltu.

e tue mama sua ... dolorosa
pianghe chin su coro istratziadu
ma sies chin s' ochidore donosa
gancella dae Orune su pecadu
bianca ti la porro sa rosa
comente cussu tzene ch' as pesadu
ama.. ama semper custa vida
pro cantu siat frita e intristulida...