Olvidos..
Paraulas postas in sas pedras ladas
Piramides, pabiros de s’ Egitu
In losas dae totu profanadas
S’ agatat sa cultura e su diritu
Comente sunt naschidas e bistadas
Totu s’ ischit de cue in cussu situ
inoghe restat su passadu vanu:
naschida, vida e sardu sambenadu.
Ell’ ite sunt, totu sos sacros putos,
Pedras ficadas, dolmen, tumbas antigas?
Domos de janas, megaliticos rutos
Nuraghes e sas turres amigas?
Parimus comente canes iscutos
Pistados dae faltas e sas brigas
E puru b’ est de Uta su gherreri
E brunzos chi nos narant su misteri
Sos annos sunt passados a mitza
Cando altu s’ inzegnu s’ est pasadu
S’ urgogliu t’ at cambiadu chitza
Chi 'alu bidimus.. et est restadu
De artes e cultura ses sa fitza
Comente mama ses de s’ olvidadu
Totu paret chi restet in presente,
franc' in sa limba de sa sarda zente.
Nessun commento:
Posta un commento