,.. sempre t’ apo difesu:
Totu nos namus sardos
ma semus finas mastros de ritardos.
Bidimus cosas bellas
ma solu las miramus che istellas
Solu pro su cossolu
non podet esser postu s’ oriolu.
Podet esser mirada
ma in difesa poi contivizada.
Difesa in mont’ e mare
tota sa terra sarda de amare.
Terra dad’ a s’ indonu
chi de fertas leadas dat perdonu.
Sas fertas de istranzos
la ponen in tristura pro alanzos.
Tristur’ e allegria
in coro meu sento ‘onzi bia.
Meu s'amore e fide
ses tue, sias assente o chi ti ide
Tue terr’ e incantu
mi torras in allegru su piantu.
Torras sempr’ a mie
in mente e coro ti gito asie.
Sa mente mi coloras
de paesagiu amenu mi nd’ onoras.
Paesagiu chi mi dada
sa menzus vista a s’ iscampiada.
Menzus de te non b’ ada
cosa de terra ..o immaginada.
Sardigna t’ ap’ intesu
cando in piantu a tie apo difesu.
Nessun commento:
Posta un commento