Sa sarda faeddada
Limba chi sonas che sa campanella
das armonia chi leat su coro,
no perdas mai boza d’esser bella
muntene sempre altu su decoro.
De virtudes resta sa virzinella
'alu ses pura, simile a s’oro,
tue non ses a segus de niune
de sa campana su pirone e fune.
Cando t' isculto ispalta in sa leada
mi paret d’intender bogh' e tenore
bella, ladina in cussa cantada
de sa Barbagia chi leat su core.
Su cantu in re e sa faeddada
colorit et adornat che fiore,
su sardu faeddadu dae sa zente
in donzi zassu de custu continente.
Sa poesia frommada in Logudoro,
cantos antigos de alta Caddura,
Sos contos betzos de su Campidanu
issos de sa Sardigna sun tesoro.
Sun sabiesa e ment' e criadura
chi totu impare nos pedin sa manu.
Nessun commento:
Posta un commento