A totu sos poetas chi m’an istrintu sa manu …
Grascias a custu ball’ e alchifusu
Chi m’at fat’ istampare cussu muru
De umbras chi totu faghet iscuru
Finas ‘ue b’at lughe
de bonùsu
Et ‘alu .. poto narrer de piusu
Chi tenneru faghet su coro duru
Ca pius como mi sento
siguru
Cando ritzo sos ojos
a in susu
Est custa ball’ e iscatula setzida
Chi dadu m’at sa boghe in poesia
Dies de acunnort’ in
fantasia
Realidade mai bìvida nen bida
Dae cando nd’ apo apidu s’ ischìda
Penseris sighin sa mantessi bia
Totu giaru e bellu in domo mia
est sole chi m’ illuminat sa vida
Connotos amigos de
virtuale
Chi paren gai aculzu in su presente
Reales sun issos pius de zente
Bida semper pretzisa iguale.
Zeltos de bonu sutzu
e de gabbale
Ateros pro su fagher sorridente
Totu però non pedin niente
Si non de su rispetu .. unu signale.
Cando mancu bi pessas.. nen t’ isetas
Accò.. chi si
presentat a pianu
Una betada ‘e oju.. e pustis manu
T’ istringhet
unu bravu poeta
E como aparitzo su tianu
D’ onores chi sa
mente m’ atzeretat
Amigos già
connotos che saeta
Chi s’ aminu mi carpin de galanu
Oe fieru so de
Cambiganu
Ch’ abbojat a sa corte de Montesu
Pintore.. Paula ..Deiana cumpresu
Pro prim’ ap’ idu e
istrintu sa manu
Brun’ Agus de
musas fitianu
Impare a Celestinu apo intesu
In Casteddu su saludu
m’an resu
Impare a Porcu balente
zovànu
Giuanne Pau m’at rendidu s’ onore
De benner fin’ a dom’
a m’agatare
Canova in s’ Alighera pro mi dare
De isse afetu ch’
iscaldit su core
In finis Giuanne Pira..
unu signore
Si mustrat su manzanu ..a cumbidare
Paraulas de afetu in su bufare
Sa lughe de su sinnu.. pro licore
Non poto ilmentigare
una pessona
dae sempre in su connotu de una vida
Pino Cadau ..
compare a s’ arveschida
De tempos e de s’
edade bona
Non semus nois deos d’ Elicona
E mancu de cultura mai bida
Però chi siat notu a
s’ischìda
C’amus una cumpanza
bella e bona
Issa de nois est mer’
e matrona
Si narat dae semper “Poesia”
Cussa chi leat sa bostr’ e sa mia
E prellas de lugòre nos donat
Chie ilmentigadu.. mi perdonat
A totu dono custu in
simpatia
S’
amore in versos et in armonia
Poetas .. mescamente pessonas.
Pro ateros bi restat su disizu
De nd’ aer su
connotu luego
Pro cussu mi nd’ iscujo e bos prego
De non nd’ aer
mentovadu s’ aizu
Eo de bois so’ solu su fizzu
D’ esser s’ ultimu de
totu non nego
Ma cantu naro .. e inoghe allego
Siat de vida.. trata
et indirizzu.
Nessun commento:
Posta un commento