una paja 'e mutos pro sa galanìa 'e Sardigna:

una paja 'e mutos pro sa galanìa 'e Sardigna:

Su manzanu m’ischido
A prim’ abbelt’ e ojos
In coro bido e tie  

Su manzanu m’ ischido
Apenas faghet die
In abba  de sos pojos
Sos ojos tuos bido

A prim’ abbelt’ e ojos
Sos ojos tuos bido
Apenas faghet die
In abba de sos pojos

In coro bido a tie
In abba de sos  pojos
Sos ojos tuos bido
Apenas faghet die

In donu unu fiore 
Sempre t’ ap’ a donare    
A  sa  prim’ arveschida 

In don’ unu fiore
Faghen innamorare
Già a sa prima ‘ida
Che mutos de amore

Sempre t’ ap’ a donare
Già a sa prima ‘ida
Che mutos de amore
Faghen innamorare

A sa prim' arveschida
che mutos de amore
faghen innamorare
già a sa prima 'ida

Sas rundines in bolu
Faghen  tundos perfetos
Leados a cumpassu

Sas rundines in bolu
De totu sos isetos
chilco in donzi zassu
Su coro tou solu

Faghen tundos perfetos
Su coro tou solu
chilco in donzi zassu
De totu sos isetos

Leados a cumpassu
De totu sos isetos
Su coro tou solu
chilco in donzi zassu