.. in lutias de bellesa.. su piantu: in ammentu de su poeta mannu Mario Masala (09 santuaini 2015)

.. in lutias de bellesa.. su piantu:

In ammentu de Mario Masala. (9.10.2015)

De totu sos versos ch’apo ‘etadu
Nudda chi potat tie simitzare
Pro semper t’ ap’ in coro a t’ ammirare
Pro cantu nos as dadu e ses bistadu

Chisa -ghi cantas bias l’ as cantada

Sa die chi nos restat de ammentu:
giamadu t’at dae su firmamentu
sa boghe chi tue as istimada.
Cussa chi ‘alu àlenu ti dada
E bòlat in chim’ e Gennargentu
Pustis sighit sas frinas de bentu
Pro fagher de Sardigna sa leada

L’ ischimus chi tue as dadu tantu
E meda restat ‘alu de gosare
De totu su ch’as fatu dae su palcu

E cantas pedras postas in s’ alcu
Promito poesia ‘e t’imbiare
In lutia 'e bellesa .. pro piantu

E como! chi restat solu s’ amentu:

Accollu chi mi torrat su sorrisu..
a cando minoreddu e tue s’ acisu
de tanta melodia s’ isparghimentu.
‘Alu gito a su coro tentu
sos versos fatos gai a s’ improvisu..
su populu inie.. zocadu ‘e risu
chi festat dende iscult’ e atentu.

Su tema as difesu in su momentu
de chie no at boghe n’ est assisu..
in grascias de chie nd’ at dezisu
d’ isse cussu destinu e su cuntentu .
Pazzola .. su cumpanzu de talentu
rispundesi .. chi totu est prezisu..
“Niune che finit in paradisu
.. ma totu brujamus a fogu lentu.”

S’ intuitu tou truncat s’ apentu
e tando ti s’ illuminat su visu:
“Pazzola tue ses che a Narzisu
e miras solu intr’ e s’ aposentu”.
De santos nde connosco nessi chentu
chi non miran sa cara in s’ ispisu..
issos in sas intragnas piantan risu
e s’ anima lis bolat che su bentu”

Sighende de sa gara s’ argumentu
unoras de su poveru su bisu..
su ricu as cumbatid’ e derisu
nende chi fit de ludu monumentu.
In finis dadu as cuss’ elementu
chi dat sa morte a Eurialu e Nisu..
cussa chi narat in su preavisu:
“bivide che frades in firmamentu”.