Bellesas de Orune

Bellesas de Orune

Si piaghere nd’ as .. oh!! Paesana

Ti fato duas rimas in lestresa
de sa Sardigna ses istima sana
e d' issa leas totu sa bellesa
Pares d’ Orune sa chima galana
Ch’ abbaidat su mund’ in fieresa
Impare chin Nunnale e Tempiesu
Ses tue su monumentu pius atesu.

Si tue ses sa chima galana
Abbaida sas baddes fioridas
Cussas chi sa belles’ a tie dana
E chin sos ojos bene tue miras
de vida das su disiz’ e gana
cantu crujas de corpus sas feridas
onzi cosa chi tocas restat bonu
comente das sorrisu a s’ indonu