Sa Genesi.. in culzu
Millos sos
elementos tot’ impare
Chi genesi in sa
Bibbia descriet:
In printzipos su chel’
e su mare
Pustis terr’ e sa lughe.. e lughe siet.
In segundu sighit a
disignare
Su chelu subr’ e totu cantu s’ idet:
Abbas .. lughes
e passadas de bentu
Totu benin .. como
dae firmamentu.
In sa die de tres
deit sa vida
A semenes.. piantas et arbores..
Dae naes brotat gai nodìda
Sa fruture chi seberan fiores.
In sa cuarta
die luna s’est bida
A note chèlfìda dae Criadore..
Impare a sos isteddos tot’ impare
Sa die su sole pro l’
illuminare.
Posca de chimbe dies de criadu
Deit a su mundu abitadores
Su chelu dae anìmale
aladu
Et abbas dae balente nadadore.
In finis a sa
sesta nos at dadu:
sas feras de sa terra
imperadores
pro issas fatu creat
sa preda
robba ‘e pasculia pius maseda.
Semper in cussa
die fateit sa proa
De pingher calchi cosa perisse..
Bessida l’est gai sa
cosa noa
Pretzisu tantu in assimizzu at Isse.
De s’ animale nde li muzat coa
Ma s’ intelletu donat
che Ulisse.
Accolu ch’ est naschidu s’ universu
e gai .. la tanco culza in custu versu.
Nessun commento:
Posta un commento